Регионнары өйөөһүн
Губернатордарга коронавирус ыарыытын тарҕаныытын утары дьаһалларга эбии үбүлээһини оҥорор араас таһымнаах ньымалар бэриллэллэр. Ону тэҥэ регионнар 2020 сылга бюджет кирэдьиитин төлүүртэн босхолоноллор. Бу регионнарга бюджекка 78 млрд солк. харчыны кэмчилиир кыахтаныахтанара диэн Госдума бэрэссэдээтэлэ Вячеслав Володин бэлиэтээтэ. Босхолонор үп социальнай- экономическай сайдыытыгар эбии дьаһалынан, ол иһигэр коронавирус ыарыыта тарҕаныытын содулларын туоратыыга туһуланар. Маны таһынан, сокуонунан региональнай бюджеттарын үптэрин толорууга казначейскай кирэдьиити биэрии болдьоҕо 90-тан 180 диэри улаатар уонна уһун болдьохтоох эбэһээтэлистибэлэри тардыыга хааччахтары сымнатар.
Курорт хомуурун тохтотуу
Коронавируһунан сибээстээн, территориянан курортнай хомуур ылыллар регионнарыгар эксперимеҥҥэ кыттар биирдиилээн биитэр бары муниципальнай тэриллиилэргэ болҕомто ууруохтарын сөп. Курортнай хомуурга мораторий биллэрэ туһунан дьаһалы регионнар бэйэлэрэ олохтуохтара.
Парламент хонтуруолун хааччыйыы
Сокуонунан бюджет үбүн үллэриигэ федеральнай мунньах хамыыһыйатын тэрийэн уонна фракциялартан Федерация Сэбиэтин сэттэ дьокутааттаах хамыыһыйа парламент хонтуруолун хааччыйарга этии киирдэ. Хамыыһыйа үбү- харчыны үллэрэр биитэр Судаарыстыбаннай Дума пленарнай мунньаҕар уларытыылары көрөр-истэр наадатын туһунан этиини ылыныахтаах. Бу хамыыһыйа 2020 сылга Гомдума уонна Федерация Сэбиэтин үс өрүттээх хамыыһыйатын чилиэннэрин боломуочуйалара бэриллиэҕэ.
Бюджекка уларытыыта суох үбү тыырыы
Бырабыыталыстыба профилактиканы уонна коронавирус ыарыытын утары содулларын туоратыыга федеральнай бюджет сокуонугар уларытыылары киллэрбэккэ сөптөөх үбү кэмигэр биэрэр бырааптаах.
Бюджетнай бырасыас таһымын үрдэтии
Сокуонунан нефтегазовай дохуоттары солбуйар ФНБ мунньубут үбүн суһаллык туһаныы олохтонор. Итини сэргэ бюджет отчуотун дьүүллэһиигэ уонна бюджет хонтуруолун ыытыыга бу быһыыга-майгыга кыаллыбатын учуоттаан туран ыйыллыбыт болдьохторун уһуларга туруорустулар. Ону таһынан эбии киирбит дохуоту ороскуот саҥа хайысхаларынан үбүлүүр туһунан сокуон уларыйыыта суох оҥоһулларыгар кыаҕы биэрдэ.
Эбии үбүлээһин
Президент Владимир Путин ыам ыйын 15 күнүгэр диэри регионнарга нэһилиэнньэни уонна тэрилтэлэри өйүүр дьаһалларынан эбии үп-харчы бэриллэригэр сорудахтаата.
Регионнарынан инбэлииттэр уонна бэтэрээннэр олорор дьиэлэрин субвенциятын саҥа ааҕыыта
Саҥа быраабыланан, дойду Тутуу министиэристибэтин хас биирдии регионугар анаан 1 кв.м дьиэ ырыынагар бигэргэтиллибит сыл III кварталын сыанатынан үбүлээһин бэриллиэҕэ.
-
0
-
0
-
0
-
0
-
0
-
0
