Быдан дьылларга бырастыы...
Издательский дом Редакция Подписка
Погода в Якутске: . -0 oC

Судаарыстыбаннай Дуума дьокутаата Федот Семенович Тумусов бииргэ төрөөбүт быраата Алексей Семенович Тумусов бу күн сириттэн күрэммитинэн “Ил Түмэн” издательскай дьиэ кэлэктиибин аатыттан дириҥ кутурҕаммытын тиэрдэбит , аһыыгытын тэҥҥэ үллэстэбит.

Судаарыстыбаннай Дуума дьокутаата Федот Семенович Тумусов бииргэ төрөөбүт быраата Алексей Семенович Тумусов бу күн сириттэн күрэммитинэн “Ил Түмэн” издательскай дьиэ кэлэктиибин аатыттан дириҥ кутурҕаммытын тиэрдэбит , аһыыгытын тэҥҥэ үллэстэбит.

 Федот Семенович тапталлаах быраатын туһунан Инстаграмыгар бу курдук суруйбут:

“Быраатым барахсан Өлөксөй. Алеша. Бөппөллө... Биһигини быраҕан бардыҥ дии, анараа дойдуга...

bf1feb3e a3fc 4948 aaaa cd5222dce8f3

Дьоллоох да оҕо сааспыт Хотун Бүлүү туонатыгар ааспыта. Сайынын ыллыыр кумахтарга сытан, күн уотугар сыламнаан, ыраас чүөмпэлэргэ умсаахтаан... Онтон киэһэлик дьиэбитигэр тахсан, ууллан эрэр ынах арыытынан маҥан килиэби муус уутун кытары наһаа да минньигэстик сиир этибит... Арыый улаатан баран оттоһо барарбыт. Күһүнүн Харбалаахха Харытыана эмээхсинниин отоннуурбут. Кыһынын хаарынан бырахса, кириэппэс былдьаһа оонньуурбут...

5bbca438 f9fa 4384 a779 5bb632a06e97

Ол оҕо саас оонньууларын быыһыгар саас оттор мас бэлэмнээһинэ: эрбээһин, хайытыы, саһааннааһын. Күһүнүн муус хостооһуна, киллэриитэ. Кыһынын хотон үлэтэ. Өссө мин бастакы улахан оҕо буолан, төрөппүттэрбит: "Эн үөрэхтээх киһи буолуохтааххын, бырааттаргар маяк курдук инники буол!”—диэн, дьиэтээҕи үлэни үксүн эйиэхэ сүктэрэр этилэр.

2e6b43ce 9c95 4216 86ae 49c4b7a23246

Орто оскуоланы бүтэрэн баран, мин үөрэнэр сирбэр Новосибирскайга кэлбитиҥ. Мин институппар аһара чаҕылхайдык туттарсан киирбитиҥ. Ол кэннэ аны мин тапталбын, кэргэммин булбут сирбэр Благовещенскай куоракка үөрэммитиҥ. Дьоллоох Дьокуускай куоракка бэйэҥ үлэ-хамнас тэринэн, дьиэ-уот туттан, сүүрбэттэн тахса сыл кэргэниҥ Мария Егоровналыын дьоллоохтук олордугут. Мин бэйэм өттүбүттэн ийэбит барахсан эппит кэриэһин толорбут курдук сананабын...

c706c8a7 be00 4f7e b89e 1ac4979868dd

Оҕолоруҥ, сиэннэриҥ, тыыннааххар көрбүт хос сиэннэриҥ эн олоххун салҕыахтара. Мин санаабар, эн уустук да буоллар, эриирдээх- мускуурдаах да буоллар, биир уол оҕо бу Орто Дойдуга олорор дьоллоох олоҕун олорон аастыҥ. Өссө да олоруоҥ этэ буоллаҕа дии. Аҕабыт барахсан этэр этэ: "Дьылҕа Хаан ыйааҕа. Ыйаахпыт барыбыт киэнэ ханна эрэ үөһэ суруллан турдаҕа..."

Быдан дьылларга бырастыы...

Үөһээ Дойдуга ийэбитин, аҕабытын, өбүгэлэрбитин көрүстэххинэ этээр: ""Эһиги эппиккит, алҕаабыккыт курдук ааппытын- суолбутун, чиэспитин түһэн биэрбэт туһугар олох иһин охсуһа хааллылар."

Эн ааккар сүгүрүйүөхпүт, эйигинэн киэн туттуохпут.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости