Итинтэн 56 түбэлтэ Дьокуускай куоракка бэлиэтэннэ. Онон Сахабыт сиригэр уопсайа 1357 киһи коронавируһунан ыалдьыбыта биллэр. 546 киһи доруобуйаларын туруга көннө, сэттэ киһи суорума суолланна. Уон ыарыһах ыарахан туруктаах.
Өлүөнэ өрүскэ паромнар, моторкалар сырыыларын саҕалаан эрэллэр. Сотору кэминэн кэлии-барыы, сырыы улаатыаҕа. Итиннэ өрөспүүбүлүкэ салалтатынан миэрэлэр ылыллыбыттарын бэлиэтиибин. Миэрэ миэрэнэн. Билигин бу боппуруос тула буола турар быһыы-майгы дьону-сэргэни дьиксиннэрбэт буолуоҕун табыллыбат. Коронавируһунан ыалдьыы аччаабат, төттөрүтүн үрдүү турар. Оттон самаан сайыммыт бу тиийэн кэллэ. Хомойуох иһин, COVID-19 вирус киһи доруобуйатыгар хайдах курдук охсуулааҕын, аны туран, сыстара түргэнин, билиҥҥэ диэри өйдүү илик дьоммут олус элбэх. Дьиэҕэ мээнэҕэ хааллан олорбоппут чуолкай.
Онон хас биирдии киһи бу ыарыыга болҕомтолоох сыһыана, эппиэтинэһэ, ирдэбиллэри кытаанахтык тутуһуута, коронавируһу хам баттыырга, тохтоторго улахан суолталааҕын умнуо суохтаахпыт.
-
0
-
0
-
0
-
0
-
0
-
0
