Билиҥҥи кэмҥэ олус наадалаах таһаҕаһы “Доброфлот” Приморскайдааҕы атыы-эргиэн хампаанньата буор-босхо ыыппыт. Саха өрөспүүбүлүкэтигэр ыыппыт таһаҕас испииһэгэр бааллар: бэйэни харыстанар сириэстибэлэр, салгын концентраттара, тырааныспары уонна дьиэни дезинфекциялыыр сириэстибэлэр, антисептигы ыстарар тэрил, антисептигы тоҥолоҕунан баттаан ылар диспансердар.
Миниистир Елена Борисова эппитинэн, Арктика уонна Уһук Илин сайдыытын пуондата Дьокуускайга мэдиссиинэ үлэһиттэрин харыстанар көстүүмнэрин уонна респиратордарын ыыппыт. Сотору кэминэн коронавируһу кытары охсуһарга анаммыт тэриллэр, көстүүмнэр, харыстанар сириэстибэлэр өрөспүүбүлүкэ эмп-том тэрилтэлэринэн тарҕатыллыахтара. Миниистир Саха өрөспүүбүлүкэтин аатыттан улахан махталы “Доброфлот” хампаанньа дириэктэрэ Александр Ефремовка уонна РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутневка тиэртэ.
-
0
-
0
-
0
-
0
-
0
-
0
