Издательский дом Редакция Подписка
Погода в Якутске: . -14 oC

Дьокуускай куорат Медицинскэй киинигэр хамсык утары быһыы ыларга биир да киһи суох. Эпидемиолог быраас Фатина Федотова этэринэн, поликлиника иһинэн күн аайы 20-27 киһи анаалыһа COVID-19 положительнай буолар эбит. 

Дьокуускай куорат Медицинскэй киинигэр хамсык утары быһыы ыларга биир да киһи суох. Эпидемиолог быраас Фатина Федотова этэринэн, поликлиника иһинэн күн аайы 20-27 киһи анаалыһа COVID-19 положительнай буолар эбит. 

«COVID-19 дьон билигин чэпчэкитик ыалдьар, биллэн турар, ыалдьыах оннугар быһыы ылбыт ордук. Күн бүгүн «Гам-Ковид-Вак» 1 уонна 2 дуозатын биэрэбит. Нэһилиэнньэ быһыыны быччыҥҥа бэриллэр укуолунан, эбэтэр муннуга ыһыллар спрей быһыытынан ылыан сөп. Назальнай быһыы мурун иһигэр антитела үөскэтэр, оччотугар салгын нөҥүө вирус киирбэт. Интраназальнайдык быһыыламмыт киһи хамсыгы тарҕаппат уонна уопсай туруга мөлтөөбөт буолан, чэпчэкитик аһарынар», — диэн кэпсиир Фатина Григорьевна.

Хамсык утары муннуга ыһыллар быһыыны үс нэдиэлэ буолан баран иккиһин ылаҕын. Ол кэнниттэн икки чаас ытырдартан, сыыҥтыыртан, табахтыыртан туттунуохтааххын, эмп суураллыбатын туһугар, төһө кыалларынан уу иһиэ, аһыа суохтааххын.

Дьокуускай куорат Медицинскэй киинигэр сыһыарыллыбыт нэһилиэнньэ быһыыны Кальвица уул., 3 дь., аадырыска 320 №-дээх хоско, үлэ күнүгэр 08:00-18:00 ч., субуотаҕа 09:00-15:00 ч.  диэри ылыан сөп. Ону таһынан, Жатайга, Тулагыга үлэ күнүгэр 09:00-15:00 ч. диэри биэрэллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением