Иван Луцкан Анал байыаннай дьайыыга сылдьан бааһырбыт буойуннары, кинилэр дьиэ кэргэттэрин чөлүгэр түһэрэргэ төһө үп көрүллэрин ыйыталаста. Ону таһынан, Дьиэ кэргэн, Оҕо саас сылыгар биэстэн элбэх оҕолоох ыаллар олорор усулуобуйаларын тупсарарга, сир учаастагын инфраструктуратын хааччыйарга туох үлэ ыыталларын туоһуласта.
Валерий Жондоров бааһырбыт буойуннар Москваҕа госпитальтан тахсыбыттарын кэннэ 21 күн устата доруобуйаларын чөлүгэр түһэрии «Бэс чагда» санаторийга ыытылларын, быйыл онно 30 куойка көрүллүбүтүн туһунан билиһиннэрдэ.
Итиниэхэ 11 мөл солк. көрүллүбүт, сыл бүтүөр диэри санаторий үбүлээһини 28 мөл. диэри улаатыннарарга сайаапка киллэрбит. Онон эрэсиэрбэ пуондатыттан үп эбии көрүллүөхтээх. Куойка ахсаанын элбэтии санаторий кыаҕыттан быһаччы тутулуктаах.
Биэстэн элбэх оҕолоох ыаллар олорор усулуобуйаларын тупсарарга быйыл 317 мөл. солк. көрүллүбүт, дьокутааттар туруорсууларынан ону 500 мөл. солк. диэри улаатыннарбыттар, инникитин 700 мөл. тириэрдиэхтээхтэр. Сир учаастагар уоту уонна гааһы киллэрэргэ 600 мөл. солк. икки сылга көрүллүбүт.
-
3
-
0
-
0
-
0
-
0
-
0
