Тэрээһини эспиэрдэр сэбиэттэрин бэрэссэдээтэлэ, Госдуума дьокутаата Федот Тумусов аста уонна билигин норуот мэдиссиинэтин ньымаларын туттуу боппуруоһа, соторутааҕыта бастакы ааҕыыны ааспыт сокуон барылынан, мэдиссиинэ үлэһиттэрэ БАД-ры аныыр бырааптаналларынан, хаттаан күөрэйэн таҕыста диэн билиһиннэрдэ. Дьокутаат билиҥҥи балаһыанньанан, норуот мэдиссиинэтин эмтэрин саҥа категориятын киллэрэр наадатын, онуоха сорох БАД-тар лиссиэнсийэ ылар кыахтаналларын бэлиэтээтэ.
Салгыы СӨ Доруобуйа харыстабалыгар миниистирин солбуйааччыта Любовь Бурнашева Саха Сирин уопутугар норуот мэдиссиинэтин эйгэтигэр анал өҥөнү оҥорорго көҥүлү биэрии 2028 с. ахсынньы 29 күннээҕи Административнай регламенынан сүрүннэнэрин, 2024 сыл атырдьах ыйын 1 күнүнээҕи туругунан инньэнэн эмтээһиҥҥэ, түөннээһиҥҥэ, хааннааһыҥҥа, массаастааһыҥҥа, отунан эмтээһиҥҥэ, уҥуоҕу туттарыыга 8 киһиэхэ көҥүл бэриллибитин туһунан билиһиннэрдэ.
Мунньахха ону таһынан Ил Түмэн Доруобуйа харыстабылыгар сис кэмитиэтин бэрэссэдээтэлэ Светлана Давыдова кыттан тыл эттэ, өрөспүүбүлүкэҕэ норуот мэдиссинэтигэр туһааннаах үлэ туругун, сокуоннар хайдах үлэлиллэрин кэпсээтэ. Ураты суолталаах тэрээһиҥҥэ норуот мэдиссиинэтин эйгэтигэр Арассыыйаҕа, аан дойдуга биллэр исписэлиистэр, учуонайдар кытыннылар.
Тэрээһин түмүгүнэн РФ эрэгийиэннэригэр норуот мэдиссиинэтин төрүт култууратын харыстааһыҥҥа, сөргүтүүгэ туһуламмыт кэмпириэнсийэлэри тэрийэргэ уонна дойду сокуоннарын тутуһууга РФ Доруобуйа харыстыбылыгар министиэристибэтин анал мунньаҕын ыытар туһунан этиини ылыннылар.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
