Бырабыыталыстыба оҕолору уонна кыра оҕолоох ийэлэри эмтиир эбии стационардары арыйарга быһаарда. Аны туран үгүс сиргэ улахан баһаардар тураннар, мэдиссиинэ тэрилтэлэрин үлэтигэр-хамнаһыгар кэккэ уларыйыылар киирдилэр. Холобур, санитарнай авиация тиийэр кыаҕа суох сирдэригэр тэлэмэдиссиинэ көмөтүн күүһүрдүбүттэр. Сорох улууска хоруона быһыыта бүппүт. Баһаар мэһэйдээн, кыайан ыытар кыахтара суох эбит.
Ааспыт сууккаҕа хоруона дьаҥар 147 киһи эбии сутуллубут. Ол иһигэр Дьокуускай куоракка – 82 киһи.
Санатан эттэххэ, бу күннэргэ Саха сиригэр эбии 50 тыһыынча доза “Спутник Лайт” быһыы кэллэ. Нэһилиэнньэни диспансеризациялааһын салгыы күүскэ ыытыллар.
Хамсык саҕаланыаҕыттан өрөспүүбүлүкэҕэ уопсайа 329 555 доза быһыы кэлбититтэн, билиҥҥи туругунан 88 %-на туһаныллыбыт. Быһыы маҥнайгы түһүмэҕин 287 781 киһи ылбыта биллэр.
-
0
-
0
-
0
-
0
-
0
-
0
