Ыарыыны Ленскэйгэ уонна Мэҥэ-Хаҥаласка вахтанан үлэлии сылдьар дьоҥҥо булбуттар. Оттон 50 түбэлтэ Дьокуускайга КОВИД-19 офтальмологическай балыыһа ыалдьыбыт дьонун кытта алтыспыттар анализтарыгар көстүбүт - уопсайа 1000 киһи анализ туттарбыт.
Сууккаҕа 2500-тэн тахса анализ оҥоһуллар.
Оттон Чаяндаҕа 39 киһи ыарыыта бигэргэммит, 23 киһи эмтэнэ сытар. Билигин анализ иккис түһүмэҕэ саҕаланар.
Дьокуускай куорат харантыыр эрэсиимин тутуспат диир сыыһа. Оҕо оонньуур былаһааккалара иччитэхсийэн тураллар, уулуссаҕа да мааската суох киһи ахсаана аҕыйах. Ол да буоллар Дьокуускайга ыарыы турарын сэрэтэр үлэ барара хонтуруолга тутуллар.
Күндү биир дойдулаахтарбытын, Дьокуускай куорат олохтоохторун харантыын эрэсиимин кэспэттэригэр ыҥырабыт. Билиҥҥи ыксаллаах быһыыга-майгыга хас биирдии киһи доруобуйата барыбытыттан тутулуктаах.
-
0
-
0
-
0
-
0
-
0
-
0
