Социальнай өйөбүл маннык көрүҥүн 3-7 саастаах оҕолоох дьиэ кэргэттэр ылыахтара, онуоха усулуобуйата – ыйыллыбыт төлөбүрү анатыыга туруорсубут сыл иннинээҕи сыл иккис кыбаарталыгар нэһилиэнньэ биир киһитигэр айах ииттэн олоруу алын кээмэйиттэн дьиэ кэргэн биир чилиэнигэр тиксэр дохуот кыра буоллаҕына. Ити дохуот кээмэйэ хотугу уонна Арктикатааҕы оройуоннарга — 20 044 солк. (I зона) тэҥ, атыттарга – 16 780 солк. (II зона).
Биир оҕоҕо төлөбүр кээмэйэ өрөспүүбүлүкэ зоналарынан олохтоммут оҕоҕо айах ииттэн олоруу алын кээмэйин 50 бырыһыаныгар тэҥ итиэннэ I зонаҕа – 10 274 солк., II зонаҕа – 8 651 солк. Итинник дьиэ кэргэҥҥэ 3-7 саастаах хас да оҕолоох буоллахтарына, босуобуйа хас биирдии оҕоҕо ананарын туһунан регионнааҕы Үлэ министиэристибэтин пресс-сулууспата иһитиннэрдэ.
2020 сылга сайабылыанньа бэриллиэр диэри оҕо 3 сааһын туолбут түгэниттэн саҕалаан бары ыйдарга бэриллэр. Ол эрээри сайабылыанньаны 2020 сыл ахсынньы 31 күнүн хойутаппакка биэрэр наадалаах. Холобур, 2020 сыл бэс ыйыгар дьиэ кэргэн сайабылыанньа биэрдэҕинэ, маныаха оҕо тохсунньу 1 күнүгэр номнуо 3 сааһын туолбут буоллаҕына, 2020 сыл бастакы 6 ыйыгар харчыны ылар. Оттон тохсунньуттан бэс ыйыгар диэри оҕо 3 сааһын туоллаҕына, 2020 сылга оҕо үс сааһын туолбут түгэниттэн төлөбүр ананар кэмигэр диэри дьиэ кэргэн көмө харчыны ылар.
Төлөбүрү ылыыга анаан дьиэ кэргэн Судаарыстыбаннай уонна муниципальнай өҥөлөр биир уопсай порталларын нөҥүө электроннай көрүҥүнэн сайабылыанньа эрэ биэриэхтээх. Атын докумуоннар, ол иһигэр дьиэ кэргэн дохуотун туһунан сибидиэнньэлэр биэдэмистибэлэр икки ардыларынааҕы хардарыта үлэлээһин суолунан ылыллыахтара, ол иһигэр Федеральнай нолуок сулууспатыгар. 3-тэн 7-гэр диэри саастаах оҕолорго ыйдааҕы төлөбүрү ылыыга сайабылыанньалары судаарыстыбаннай өҥөлөр порталларыгар маннык ссылканан ыытыллар: gosuslugi.ru/397203/1
-
0
-
0
-
0
-
0
-
0
-
0
