Төлөбүр дьиэ тутуутугар эбэтэр ипотека нөҥүө дьиэ атыылаһарга туһаныллыаҕа. Дойду Бырабыыталыстыбата туһааннаах этиилэри сэтинньи 1 күнүгэр диэри Бэрэсидьиэн көрүүтүгэр киллэриэхтээх. Биир кэмнээх төлөбүрү туһанарга үһүс оҕо уонна онтон кэлэр оҕо төрөөтөҕүнэ төрөппүттэр Уһук Илин сиригэр-уотугар баар саахса нөҥүө оҕону суруталлара ирдэнэр. Итини таһынан, көрүллүбүт төлөбүр, Уһук Илин эрэгийиэн иһинэн дьиэ кэргэн олорор усулуобуйатын тупсарыытыгар туһаайыллан ороскуоттаныаҕа.
Санатар буоллахха, балаҕан ыйын 2 күнүгэр, Владимир Путин Уһук Илин эрэгийиэн нэһилиэнньэтин элбэтии «историческай суолталаах» сүрүн соругунан ааттаабыта. Тустаах соругу ситиһэргэ, бэйэ оҥорон таһаарыы кыамтатын сайыннаран, үлэ миэстэтин таһааран, дьоҥҥо сөптөөх дохуоттарын хааччыйарга туһаайыллар.
Манна даҕатан, дойду вице-премьера, Уһук Илин эрэгийиэн РФ Бэрэсидьиэнин полпреда Юрий Трутнев дойду баһылыгар 1 мөл. солк. кээмэйдээх төлөбүрү дойду үрдүнэн тарҕатарга этии киллэрдэ. Кини үһүс оҕо төрөөтөҕүнэ, хоһулаһар бырагыраама, 2014 сылтан Сахалин уобалаһыгар олоххо киирбитин бэлиэтээбитэ.
-
0
-
0
-
0
-
0
-
0
-
0
