Чулуу дьоммут Платон Ойуунускай, Максим Аммосов, Исидор Барахов, Степан Аржаков, сырдык тыыннарын да умнан туран, сыралаах туруорсууларын, утумнаах үлэлэрин түмүгэр, 1922 сыллаахха муус устар 27 күнүгэр Арассыыйатааҕы Киин ситэрилээх кэмитиэтин Президиума Саха АССР Декретин ылыммыта. Бу кэмтэн ыла саха норуотун саргыта салаллан барбыта. Билигин олохпут өссө чэчирии сайдарыгар, саханы саха дэттэрэр туһугар, бары биир санаанан салайтаран түмсүөҕүҥ, үлэни көҕүлүттэн тутуоҕуҥ!
Эһиэхэ барыгытыгар чэгиэн-чэбдик олоҕу, ыра санааҕыт барыта туоларыгар баҕарабын. Дьоҥҥут-сэргэҕит эһигини тула мустан, үөрэ-көтө сырыттыннар. Иннибит диэки тохтоло суох күрдьэн иһиэҕиҥ! Саха сирин олохтоохторугар, дьонугар-сэргэтигэр уруй-айхал буоллун!
Эҕэрдэни кытта, норуот дьокутаата Михаил Ильич Эверстов.
-
0
-
0
-
0
-
0
-
0
-
0
