14 саастарын туола илик оҕо күүһүлэммитин билэн баран үҥсүбэтэх, итиэннэ Интэриниэт ситимин нөҥүө имэҥ тиэмэтигэр оҕолуун кэпсэтэр, оннук хаартыскалары ыытар дьоҥҥо накаастабыл миэрэтэ кытаатта.
Судаарыстыбаннай Дуума Холуобунай уонна Холуобунай-процессуальнай кодекстарга көннөрүүлэри үһүс ааҕыыга ылынна.
Госдума бэрэссэдээтэлэ Вячеслав Володин Telegram ханаалыгар суруйбутунан, оҕо тутулуктаах киһитэ (төрөппүтэ, аймаҕа, учуутала, тириэньэрэ уо.д.а) күүһүлүүр түбэлтэлэрэ элбэҕинэн, сокуоҥҥа уларытыылар киирдилэр. Ол курдук, өскөтүн оҕо бииргэ олорор киһитэ, иитэргэ эппиэтинэстээх дьоно уонна үөрэх тэрилтэтигэр үлэлиир киһи буоллаҕына, накаастабыл өссө кытаатыа.
Маны тэҥэ атаҕастабылы билэ-билэ билбэтэҕэ буолааччылар биир сыл хаайыллыахтарын сөп. Оттон Интэриниэт ситиминэн дьайдаах дьайыыларын оҥордохторуна, алта сылга диэри хаайыыга ууруллуохтарын сөп буолла.
-
0
-
0
-
0
-
0
-
0
-
0
