Онлайн эрэсииминэн үлэлиир массыыналары ыҥырыы сулууспалара – таксилар — Куттал суох буолуутун Федеральнай сулууспатыгар (ФСБ) бэйэлэрин информационнай систиэмэлэригэр ыраахтан суукканы эргиччи киириини аhар эбээhинэстээхтэр.
Бырабыыталыстыба бырайыагынан бигэргэммит быраабылалар куттал суох буолуутун уорганнарын кытта бѳдѳҥ агрегатордар, диспетчерскэйдэр уонна таксопааркалар бииргэ үлэлэhиилэрин судургутутан биэрэр. Онлайн-баазаларга киирэр кыаҕы ФСБ тута ылыан сѳп, оттон диспетчерскэйдэр дааннайдарыгар – олохтоммут болдьохторго.
Саҥа Быраабылалар такси туhунан сокуон чэрчитигэр бэлэмнэннилэр, кини балаҕан ыйын 1 күнүттэн күүhүгэр киирэр.
Эрэгийиэннэргэ үс суолталаах реестрдэри оҥоруохтара: таhааччылар, таксилар уонна сакаас сулууспаларын реестрдэрин.
Такси эрэгийиэннээҕи реестрдэригэр тырааныспар сириэстибэлэрин уонна кинилэр бас билээччилэрин тустарынан дааннайдары хомуйуохтара. Оттон такси сакааhын сулууспаларын реестрдэригэр бары агрегатордар ыйыллыахтара.
-
0
-
0
-
0
-
0
-
0
-
0
