Издательский дом Редакция Подписка
Погода в Якутске: . 6 oC

Ааспыт нэдиэлэҕэ «Быраап билиитин нууччалыы-сахалыы тылдьытын» сүрэхтэниитигэр мустубут тыл үөрэхтээхтэрэ, суут-сокуон эйгэтин үлэһиттэрэ бу бырайыагы көҕүлээбит «Ил Түмэн» издательскай дьиэ» генеральнай дириэктэригэр Мария Христофороваҕа махтаналларын биллэрдилэр. Тылдьыты оҥорбут дьоҥҥо Афанасий Гуриновка – Арчылаҥҥа, научнай эрэдээктэр Лидия Манчуринаҕа эмиэ үгүс-үтүмэн махтал тыллара этилиннилэр.

Ааспыт нэдиэлэҕэ «Быраап билиитин нууччалыы-сахалыы тылдьытын» сүрэхтэниитигэр мустубут тыл үөрэхтээхтэрэ, суут-сокуон эйгэтин үлэһиттэрэ бу бырайыагы көҕүлээбит «Ил Түмэн» издательскай дьиэ» генеральнай дириэктэригэр Мария Христофороваҕа махтаналларын биллэрдилэр. Тылдьыты оҥорбут дьоҥҥо Афанасий Гуриновка – Арчылаҥҥа, научнай эрэдээктэр Лидия Манчуринаҕа эмиэ үгүс-үтүмэн махтал тыллара этилиннилэр.

Тылдьыт суруналыыстарга, уопсастыбаннас киэҥ араҥатыгар юридическай тиэрминнэри, быраап эйгэтигэр туттуллар тыллары нууччалыыттан сахалыы таба тылбаастыырга остуолга ууруна сылдьар ыйынньык буолуон сөп.

Макар Яковлев, ХИФУ юридическай факультетын бэрэпиэссэрэ, Арассыыйа Үтүөлээх юриһа, РФ Борокуратууратын Бочуоттаах үлэһитэ: «Билигин уһуйааҥҥа, оскуолаҕа оҕону үксүн нууччалыы үөрэтэллэр, онтон үлэбитигэр, мунньахтарга, Ил Түмэҥҥэ эмиэ ити тылынан кэпсэтэбит. Үгүс миниистирдэрбит сахалыы билбэттэр. Дьиҥэр, былаас үлэһиттэрэ бары сахалыы билиэхтээхтэр дии саныыбын.

Нууччалыы тылы киһи барыта билэр, онон төрөөбүт тылбытын өрө тутан, санаабытын сахалыы сайа этэ үөрэниэхтээхпит. Мин сахабын диэн Арассыыйа, аан дойду үрдүнэн киэн тутта хаамыахтаахпыт!», — диэн киһи эрэ астына истэрин курдук эттэ.

Кини тылдьыты оҥорорго юридическай факультет үлэһиттэрин кытыннарбатахтарыттан хомойорун биллэрдэ. Макар Макарович Төрүт сокуон тылбааһыгар үлэлэспитэ, итиэннэ буруйдуур түмүктэри уу сахалыы тылынан 250 стр. тухары суруйан кэлбитин туһунан эттэ. «Бу сырыыга кытыннарбатылар, рецензия эрэ суруйан хааллым. Судьуйалары, борокурордары, силиэдэбэтэллэри, адбакааттары, былаас үлэһиттэрин о.д.а. бэлэмниир үөрэх кыһата туора туран хаалыа суохтаах этэ”, — диэтэ бэрэпиэссэр, Ил Түмэн I ыҥырыылаах мунньаҕын дьокутаата.

Аны эбээннии, эбэҥкилии

Учуонай Анатолий Чомчоев инникитин маннык тылдьыты хотугу аҕыйах ахсааннаах омуктар тылларынан таһаарарга, бу бырайыагы салгыы сайыннарарга, тылдьыты 3-4 сылынан саҥардан таһаарарга этии киллэрдэ.

Кинигэ сүрэхтэниитигэр мустубут дьон үгүс көлүөнэ саха юристарын ыра санаата күн сирин көрбүтүттэн үөрэллэрин биллэрдилэр, итиэннэ быраап тиэрминнэрин, юридическай тыллары киһи өйдүүрүн курдук этэр уустугун бэлиэтээтилэр.

СӨ Бырабыыталыстыбатын бэрэссэдээтэлин солбуйааччы Анатолий Семенов эппитинэн, тылдьыт иккис чааһа тахсарыгар этиллибит санааны барытын учуоттуохтара уонна айар бөлөх ахсаанын хаҥатан, юридическай факультет үлэһиттэрин киллэрэн биэриэхтэрэ, ону таһынан, тылдьыты сыыппараҕа таһаарыахтара.

Хаартыска: https://dzen.ru/a/Xp1_TjuvaHTok8Xy

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
В Ил Тумэне

Связующее звено

На очередном пленарном заседании Госсобрания Якутии депутатам предстоит утвердить членов…
20.04.24 11:51