Уларыйыыга киирбит ирдэбилинэн, нотариус юридическай сирэйдэргэ уонна урбаанньыттарга судаарыстыбаннай регистрацияны ааһалларыгар, сайабылыанньаҕа илии баттааһыннарын туоһулаабытын кэннэ, докумуоннары тустаах регистрациялыыр уорганнарга ыытарга эбээһинэстэннэ. Нотариальнай дьайыы чэрчитинэн, илии баттааһыннаах туоһуламмыт докумуон, тутатына электроннай ньыманан ыытыллар буолуоҕа. Атын түбэлтэлэргэ, регистрациялыыр уоргаҥҥа нотариус көмөтүнэн докумуону толоруу, сайабылыанньа биэрээччи көрдөһүүтүнэн оҥоһуллуон сөп.
Урут юридическай сирэйдэр нолуок сулууспатыгар докумуону регистрациялыырга, эбэтэр нотариустан туоһуламмыт докумуону регистрациялыыр уоргаҥҥа биэрэргэ, тус бэйэлэрэ МФЦ нөҥүө биитэр почтанан ыытар буолаллара. Саҥа сокуон бу бырасыаһы судургутутар. Докумуон нотариальнай эрэли булгуччулаах буолуутугар уонна урбаанньыттар бириэмэлэрин, үп-харчы ороскуоттарын аччатарга туһуланар.
- 0
- 0
- 0
- 0
- 0
- 0