Быйыл өрөспүүбүлүкэ үрдүнэн сэттэ тыһыынчаттан тахса үөрэнээччи орто оскуоланы бүтэрэн, олох киэҥ аартыгар үктэниэхтэрэ. Биллэрин курдук, быйылгы выпускниктар боростуойа суох кэмҥэ үөрэхтэрин дьылын түмүктээн эрэллэр.
Ол эрээри төһө да кыра мэһэйдэр баалларын аахсыбатахха, өрөспүүбүлүкэбитигэр Интернет ситимэ уонна суотабай сибээс эрдэттэн былааннаахтык тардыллыыта, үлэҕэ киириитэ, үөрэх эйгэтигэр бу уустук кэми арыый «ыарыыта» суох ааһарбытыгар төһүүнэн буолбута саарбаҕа суох. Идэлэригэр бэриниилээх учууталларбыт, төрөппүттэр уонна уопсастыба, бары түмсэн, саҥа технологиялары баһылаан, чэпчэкитэ суох үөрэх дьылын түмүктээн эрэбит.
Өрөспүүбүлүкэ выпускниктара уустуктуртан самныбакка, өссө өрөйөн-чөрөйөн биэрэн, биир кэлим эксээмэннэргэ күүстээхтик бэлэмнэнэн, сөбүлүүр үөрэххитигэр киирэргитигэр диэн этиинэн суруйуубун түмүктүүбүн.
-
0
-
0
-
0
-
0
-
0
-
0
