- Былырыын учууталлары өйүүр сыалтан, 100 тыһ. солк. бириэмийэ БКЭ-ҥэ 100 баалы ылбыт үөрэнээччини бэлэмнээбит учууталларга олохтоммута. Мантан салгыы Туймаада ыһыаҕын кэмигэр мэлдьи олохтуур туһунан дьаһалы ылыныахпыт, — диэн Евгений Григорьев Туймаада ыһыаҕар бэлиэтээтэ.
Педагог уонна уһуйааччы сылыгар оскуола бастыҥ учууталлара, оҕо уһуйааннарын иитээччилэрэ, кинилэр ортолоругар анал бириэмийэ, мэр гранын хаһаайыттара, иитии профессиональнай маастарыстыбалар куонкурустарын кыайыылаахтара, педагогическай династиялар бэрэстэбиитэллэрэ, Дьокуускай куорат бастыҥ үөрэнээччилэрэ Дьокуускай куорат баһылыгын кытта көрсүһүүгэ ыҥырыллыбыттара.
Санаттахха, быйыл бириэмийэ саха тылын, литэрэтиирэтин уонна национальнай култуура бастыҥ педагогтарыгар олохтоммута. Дьокуускай куорат баһылыгын бириэмийэтин туттарыы үөрүүлээх тэрээһиҥҥэ 100 тыһ. солк. бириэмийэни 23 №-дээх оскуола саха тылын уонна литэрэтиирэтин учууталыгар Таисия Кулагинаҕа туттардылар. Оттон «Саха тылын үөрэтэр-иитэр бөлөх бастыҥ иитээччитэ» хайысхаҕа бириэмийэ Дьокуускай куорат 51 №-дээх «Кэскил» оҕо уһуйаанын иитээччитэ Мария Петроваҕа иҥэрилиннэ.
-
1
-
0
-
0
-
0
-
0
-
0
