Ол курдук, 100 тыһ. кыра уонна 10 тыһ. диэри нэһилиэнньэлээх пууннар судаарыстыбаннай уонна олохтоох салайыныы алын сүһүөх, орто, орто профессиональнай үөрэхтээһин тэрилтэлэрин педагогическай үлэһиттэригэр кылааһы салайыы иһин төлөбүрү 10 тыһ. солк. диэри үрдүөхтээх.
Дойду Бэрэсидьиэнин сорудаҕын толоруу чэрчитинэн, бу күннэргэ СӨ Бырабыыталыстыбатыгар тустаах сокуоҥҥа уларытыылары киллэрии туһунан сокуон барыла оҥоһуллан, Ил Түмэҥҥэ киирдэ. Төлөбүр оройуоннааҕы коэффициены уонна бары ааҕыллар эбии төлөбүрдэр бырыһыаннарын учуоттаан оҥоһуллуоҕа.
Сокуон барылыгар этиллибитинэн, 2024 сыл кулун тутар 1 күнүнээҕи туругунан, өрөспүүбүлүкэҕэ 100 тыһ. аччыгый нэһилиэнньэлээх пууннарга үөрэхтээһин тэрилтэлэригэр уопсайа 7265 кылаас салайааччыта баар. 2024 сыл балаҕан ыйыгар комплектацияны ыытыыны билгэлээһинэн ити сыыппара 7327 тиийиэҕэ. Үбүлээһин олохтоох бүддьүөттэргэ СӨ судаарыстыбаннай бүддьүөтүүттэн субвенция быһыытынан тыырыллыаҕа диэн Ил Түмэн пресс-сулууспата иһитиннэрэр.
-
0
-
0
-
0
-
0
-
0
-
0
