Билии күнүгэр Мархаҕа Дьокуускайдааҕы кадет оскуолатын саҥа дьиэтэ уонна Кэбээйи улууһун Сайылыгар саҥа оскуола аһыллаары тураллар. Эбийиэктэр «Үөрэхтээһин» национальнай бырайыак чэрчитинэн тутуллубуттара. Бүгүҥҥү күҥҥэ өрөспүүбүлүкэ үрдүнэн үөрэх ситимин саҥардыы федеральнай бырагыраама чэрчитинэн алта оскуолаҕа хапытаалынай өрөмүөн ыытыллыбыт. Ону таһынан 186 оскуолаҕа кыра өрөмүөннэр ыытыллыбыттар.
Оҕо уһуйаанын туһунан этэр буоллахха, өрөспүүбүлүкэҕэ бу сылга 746 уһуйаан арылларга бэлэм. Уһуйааҥҥа 66 тыһыынчаттан тахса оҕо барыаҕа.
Биир үтүө сонунунан балаҕан ыйын 1 күнүттэн үс сылга диэри үлэ ыстаастаах эдэр учууталлар хамнастарын акылаатыгар өрөспүүбүлүкэттэн 75 %-наах кээмэйдээх эбилик олохтоммута буолар. Ону тэҥэ, 2024 сылга Саха Сиригэр 12 оскуола,4 уһуйаан тутуллан үлэҕэ киирэрэ былааннанар. Ол курдук, Дьокуускайга 5 оскуола, Аммаҕа, Ытык Күөлгэ уонна өрөспүүбүлүкэ араас нэһилиэктэригэр «Үөрэхтээһин» национальнай бырайыак чэрчитинэн тутулла тураллар.
-
0
-
0
-
0
-
0
-
0
-
0
