Ирдэбиллээх буолан үгүһү ситистэ. Ол курдук, саас Бүтүн Арассыыйатааҕы бэрэбиэркэлиир үлэҕэ (ВПР) үгүс оҕо хаачыстыбаҕа үлэлээбитэ, куһаҕан сыананы ылбыт оҕо суоҕа. Бу саҥа үлэлиир эдэркээн учууталга ситиһии буолар. Үөрэҕи таһынан, араас хайысхаҕа былааннаан, иитэр үлэтин тэрийбитэ. "Ытык сирдэр" бырайыакка кыттан, Калистрат Елисеевич Владимиров аатынан КСК тиэргэнин иһин-таһын ыраастаабыттара, хомуйбуттара.
Чулуу тустуук олоҕун, успуорка ситиһиилэрин, үлэтин-хамнаһын чинчийбиттэрэ. "Оскуола тыйаатыра" түмсүү тэрийэн ыытар Амма Аччыгыйа "Сааскы кэм" арамаанынан сыанканы көрүүгэ биир бастыҥынан ааттанан, улуустааҕы "Эдэр артыыс" күрэххэ мэктиэлэммиттэрэ уонна салгыы кыттаннар иккис миэстэни ылан, үөрэн-көтөн кэлбиттэрэ.
Тохтоон хаалбаккалар, аны "Кустук" өрөспүүбүлүкэтээҕи дыраама көрүүтүгэр ситиһиилээхтик кыттан, "Кэскиллээх кэлэктиип" анал аакка тиксибиттэрэ. Кылаас оҕото бары "Хоһоонноохтук ааҕыы" дьарыгар сылдьаллар. Араас күрэхтэргэ кыттан, куруук миэстэлэспиттэрэ. Онтон биир сүрүннэрэ - "Язык предков" тэрийиитинэн "Кыайыы күнүнэн" күрэххэ кыайыылаах аатын сүгэн, бастакы миэстэни ылбыттара буолар.
Бу Арассыыйа араас эрэгийиэннэриттэн кыттыылаах күрэс этэ. Кристина Игнатьевна төрөппүттэрин кытта биир сомоҕо буолан үлэлиир. Ол түмүгэр кылаас алын сүһүөҕү бүтэрэр долгутуулаах тэрээһиҥҥэ отчуоттуур кэнсиэрэ үрдүк таһымҥа туруоруллубута.
Быйыл Кристина Игнатьевна маҥнайгы кылаастары ылан, ааҕарга-суруйарга, суоттуурга үөрэтэн саҕалаата. Кырачааннар учууталларын сөбүлээтилэр, уоскулаҥҥа аттыттан арахпат мөккүөрдээхтэр. Удьуор утума салҕанар холобурун бу эдэр кэллиэгэбитигэр көрөбүн. Ийэтинэн эбэтэ Альбина Лукинична Посельская Дьохсоҕоттор биир киэн туттар учууталлара этэ. Аҕатынан эдьиийдэрэ Голиковалар Хара-Алданнар тумус туттар учууталлара буолаллар.
Эдэркээн учууталы, Кристина Игнатьевнаны, идэлээх күммүтүнэн эҕэрдэлиибин! Саҕалаабытыҥ курдук салҕана турдун! Кырачааннары сайыннарар, үөрэтэр үлэҥ ситиһиилээх буоллун! Кэскилиҥ өссө да иннигэр! Оҕо аймах тапталын-махталын ылан, учуутал бастыҥа, уһуйааччы үтүөлээҕэ буола, үүн-сайын!
Валентина КРИВОШАПКИНА,
Таатта, Харбалаах
-
0
-
2
-
0
-
0
-
0
-
0
