Абитуриеннар докумуоннарын үс көрүҥүнэн биэриэхтэрин сөп: ХИФУ сайтыгар киирэн, абитуриент тус кэбиниэтинэн, "Госуслуга" порталыгар «Үрдүк үөрэх кыһатыгар онлайн туттарсыы» сервис нөҥүө уонна почтанан.
Университет ректора Анатолий Николаев иһитиннэрбитинэн, булгуччулаах докумуоннар испииһэктэригэр пропискалаах паспорт, үөрэх докумуона уонна СНИЛС киирэллэр. СНИЛС докумуона суох абитуриеҥҥа тус нүөмэрдээх докумуон биэриэхтэрэ.
2020 сылтан эбии 94 бүддьүөт миэстэтэ баар буолбут. «2021-2022 үөрэх дьылыгар 4154 бүддьүөт миэстэтэ, олор истэригэр 801 целевой миэстэ баар. Целевой миэстэлэр үрдүк үөрэх бырагырааматынан эрэ бэриллэллэр. Быйыл мэдиссиинэ үөрэҕэр целевой миэстэ ананна», -- диэн ректор инстаграмынан быһа сибээскэ тахсан кэпсээбит.
Үөрэххэ туттарсыыга тус ситиһиилэр учуоттаналлар – спорка, үөрэххэ, олимпиадаларга уонна волонтер үлэтигэр ситиһиилэр. Туйгун аттестат иһин эбии сэттэ балл, орто үөрэҕи туйгуннук бүтэрбит дипломнаахтарга 2-6 балл, оттон ГТО-ҕа бастыҥ көрдөрүүлээхтэргэ уонна волонтер бэлиэлээхтэргэ эбии үс балл бэриллэллэр.
-
0
-
0
-
0
-
0
-
0
-
0
