Россия бааннара «СБПэй» систиэмэҕэ холбоноллор
Бу мобильнай приложение Россия национальнай систиэмэтигэр хантаага суох түргэн төлөбүрдэри үлэлэтэр. Саҥа систиэмэ хайдах тэриллибитин уонна тугунан дьарыктанарын быһаарабыт.
Национальнай баан түргэн төлөбүрэ (НСБ) — төлөпүөн нүөмэринэн бааннары кытта түргэн төлөбүрдэри ыытар баан сервиһэ буолар. Харчынан төлөбүр түргэнник уонна хамыыһыйата суох тиийэр. Ол үрдүнэн карта нүөмэрин уонна реквизиттэрин булгуччу билэр ирдэммэт.
Табаары, өҥөнү эмиэ төлүөххэ сөп. Национальнай систиэмэҕэ Россия бөдөҥ бааннара бары кэриэтэ холбоннулар. Олор истэригэр QR кодунан төлүүр опция эмиэ көрүллэр. Ол эрээри атыыһыт QR-код көмөтүнэн эпэрээссийэлэри өйүүрэ эмиэ наада.
«СБПэй» диэн тугуй?
Бу мобильнай приложение хантаага суох онлайн уонна офлайн-маҕаһыыннарга туттуллар. Билигин «СБПэй» төлөбүр сүрүн ньымата QR-кодтарга олоҕурар.
Бары толору функциялары уонна NFC систиэмэни сотору кэминэн эбэр былааннаахтар. Оччоҕо "СБПэй" көмөтүнэн терминалга төлүөххэ сөп буолуоҕа. Өссө биир уратыта: систиэмэ баан счетун кытта быһаччы сибээстиир. Ол эбэтэр виртуальнай Visa, Mastercard эбэтэр «Мир» каарталарга наадыйбат.
Хаһан систиэмэ үлэлиирий?
«СБПэй» приложение Android 6.0 үөһэ эбэтэр IOS-ка 13-с версияттан саҕалаан смартфоннарга хачайдыахха сөп. Приложение Google Pay уонна App Store маҕаһыыннарыттан хачайдыыр тоҕоостоох. Google маҕаһыыныгар сыһыарыы 500 тыһ. тахса хачайдааһыны хомуйда. Ол гынан баран, билиҥҥи кэмҥэ үгүс туһанааччы соччо толору үлэлээбэтин бэлиэтииллэр.
Сотору "Сбербаан", "Почта баан", "МТС баан", "Промсязьбанк" уо.д.а. холбонуохтара. Маассабайдык ситимҥэ холбонуу муус устар 1 күнүттэн күүтүллэр. Систиэмэҕэ ВТБ, «Тинькофф» бааннар холбонуохтара диэн суоттаналлар.
.
-
0
-
0
-
0
-
0
-
0
-
0
