Үөһээ Дьааҥы улууһугар 5 баһаары, Мэҥэ Хаҥалас, Нерюнгри улуустарыгар 3 баһаары уонна Горнай, Томпо, Чурапчы, Үөһээ Бүлүү, Нам, Уус Алдан, Ленскэй уонна Муома улуустарыгар ойуур баһаардара турбуттар. Ааспыт сууккаҕа Нам, Үөһээ Бүлүү, Горнай, Кэбээйи, Миирнэй улуустарыгар баар уот күөдьүйбүт 6 туочукатын умуруорбуттар, хонтуруолга 15 туочука баар. Баһаары умуруорууга 359 киһи, 38 техника үлэлии сылдьаллар.
Суола суох ыраах ойуур пуондатын сирдэригэр 294 103 га сиринэн 75 уот күөдьүйбүт туочука хонтуруолга ылыллыбыт. Бу туочукалар космостан кэтээн көрүллэллэр.
Бүгүҥҥү күҥҥэ Муома улууһун Хонуу сэлиэнньэтигэр, "Саханефтегазсбыт" АУо ниэптээх базатын, «Аэронавигация Северо-Восточной Сибири» филиал эбийиэктэригэр куттал суоһаабытын Муома улууһун дьаһалтата биллэрбит. Улууска ыксаллаах быһыы-майгы эрэсиимэ биллэриллибит. Баһаары умулларыыга дьон уонна 3 техника үлэлии сылдьаллар.
Экология министиэристибэрэ ойуур баһаарын көрбүт дьону 8-4112-44-74-76, 8-800-100-94-00 нүөмэрдэринэн биллэрэллэригэр этэр.
-
0
-
0
-
0
-
0
-
0
-
0
