Издательский дом Редакция Подписка
Погода в Якутске: . -11 oC

2020 сылга от ыйыгар олоххо киирэр сокуоннары кытта билсиҥ.

2020 сылга от ыйыгар олоххо киирэр сокуоннары кытта билсиҥ.

Кыра кредитнай хампаанньалары хонтуруолга ылыахтара

Коммерческайа суох тэрилтэ ахсааныгар киирсэр кыра кредитнай хампаанньалар интернеккэ акционердарын састаабын, кыттыгастаахтарын туһунан информацияны таһаарар эбээһинэстэнэллэр. Устааптаах хапытаалга иэстээбит харчы уонна солуокка киирбит баай-дуол киирэрэ бобуллар.

Быраактыка саҥа көрүҥэ көдьүүстээх буолуоҕа

«Үөрэнээччини бырактыкалаан бэлэмнээһин» (практическая подготовка учащихся) диэн өйдөбүл киириэҕэ. Бу көннөрү быраактыкаттан быдан киэҥ өйдөбүллээх диэн сокуону оҥорооччулар этэллэр. Ол курдук, устудьуоннар тэрилтэҕэ тиийэн үлэ бырассыаһар толору киирэн, тэҥҥэ үлэлэһэллэригэр кыах бэриллэр. Бу, биллэн турар, үөрэхтэрин бүтэрбит ыччаттар салгыы үлэ булалларыгар, итиэннэ үлэҕэ тута киирэллэригэр көмөлөөх буолуоҕа.

Арассыыйа гражданствотын ылар судуругутуйуо

Белорусь, Казахстан, Молдова уонна Украина дьоно Арассыыйа гражданствотын ылалларыгар кэккэ уларыйыылар киирдилэр. Ол курдук, Арассыыйа гражданинын кытта үс сыл ыал буолан бииргэ олорбут буоллаҕына, итиэннэ Арассыыйаҕа олорор төрөппүттэрдээх дьон бу бэрээдэгинэн гражданство ылар кыахтаахтар. Маны таһынан, Арассыыйаҕа олоруон баҕалаахтарга омук тылыттан хайаан да аккаастанабын диэн ирдэбил суох буолуоҕа.

Регион брендэ географическай ыйыылаах буолуоҕа

Интеллектуальнай быраап диэн өйдөбүл дойду брендин көмүскүүр аналлаах. Мантан инньэ аны араас оҥоһуктарбыт, аспыт-үөлбүт уратыта географическай ыйылаах буолуоҕа. Мал-сал, ас-үөл ханна чуо оҥоһуллубутунан сокуонунан көмүскэлгэ киириэҕэ. Холобур, «Адыгейскай сыр», «башкирскай мүөт», «оренбургскай былаат», «хохлома», «гжель» уо.д.а.

Табаар уратытын, хаачыстыбатын оҥоһуллубут сирэ мэктиэлиир диэн сокуон оҥорооччулар этэллэр. Онон Роспатеҥҥа уруккаттан баар НМПТ (Наименование места происхождения товара) уонна “географическай ыйыы” диэн өйдөбүллэр дойдуга оҥоһуллар ураты табаары киэҥ эйгэҕэ, тас дойдуга таһаарар кыаҕы биэрэр. Бу икки өйдөбүл уратылара диэн, “географическай ыйыыга” регистрацияланыы быдан судургутук оҥоһуллар.

“Географическай ыйыылаах” табаар уон сыл көмүскэллээх буолуоҕа. Маннык регистрация Роспатеҥҥа 2020 сыл от ыйын 27 күнүттэн саҕаланыаҕа.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением