«Киирбит этиилэри көрүү түмүгүнэн КоАП барылын Ураты чааһыгар көрүллэр административнай сокуону кэһиилэр сорох састааптара ситэрилиннэ», — диэн иһитиннэриллэр.
Ол курдук КоАП барылыгар түүҥҥү кэмҥэ чуумпуну аймааһын иһин эппиэтинэһи көрөр 14.1 ыст. 6 Чааһыгар “ыйыллыбыт административнай сокуону кэһии туох да дьаһалы ылыммат буолуу көрүҥүнэн” буолуон сөптөөҕүн туһунан этиллэр.
Пресс-сулууспаҕа бэлиэтииллэринэн, айдааран-куйдааран, тыаһаан-ууһаан чуумпуну аймыыр гражданнары эрэ буолбакка, холобур, өр кэмҥэ көрүүтэ-истиитэ суох хаалбыт ыт түүнүн улаханнык үрэн ыалларын уйгуурдар буоллаҕына, онуоха туох да дьаһалы ылбатах хаһаайыттарын эмиэ ити быһаарыынан эппиэтинэскэ тардах кыах үөскүөҕэ.
Ону сэргэ массыына сигнализацията кэһиллэн, хаста да тыас таһаарар буоллаҕына, ону араарыыга туох да дьаһалы ылбатах дьоҥҥо эмиэ ыстараап суруллуон сөп.
-
0
-
0
-
0
-
0
-
0
-
0
