Владимир Путин: "Баартыйа элбэх, Ийэ дойду соҕотох, кини дьылҕатыттан ордук суолталаах суох!"
Издательский дом Редакция Подписка
Погода в Якутске: . -2 oC

От ыйын 7 күнүгэр Кириэмилгэ Бэрэсидьиэн Владимир Путин Судаарыстыбаннай Дуума салалтатын уонна Судаарыстыбаннай Дуумаҕа бэлитиичэскэй баартыйалар фракцияларын салайааччыларын кытары көрүстэ.

От ыйын 7 күнүгэр Кириэмилгэ Бэрэсидьиэн Владимир Путин Судаарыстыбаннай Дуума салалтатын уонна Судаарыстыбаннай Дуумаҕа бэлитиичэскэй баартыйалар фракцияларын салайааччыларын кытары көрүстэ.

Бэрэсидьиэн бастатан туран, сааскы сиэссийэҕэ улахан боччумнаах сокуон барыллара бигэргэммиттэрин бэлиэтээтэ. Ол курдук, биэнсийэ индексациятын урутатыы, тиийинэн олоруу уонна хамнас алын кээмэйдэрин үрдэтии, чэпчэтиилээх ипотека ырычаахтарын тупсарыы, байыаннай сулууспалаахтарга эбии мэктиэлээһиннэри оҥоруу о.д.а. курдук социальнай өйөбүлү күүһүрдэр сокуоннар ылыллыбыттара. Судаарыстыбаннай Дуума Бырабыыталыстыбаны кытары бииргэ үлэлээн, нэһилиэнньэ дьарыктаах, олох-дьаһах туруктаах буолуутун хааччыйар экэниэмикэ тирэх салааларын өйүүр дьаһаллар кэрискэлэрин кэҥэппиттэрэ. Бэрт кылгас кэм иһигэр сааҥсыйаны утары дьаһаллар ылылыннылар. Бэлитиичэскэй баартыйалар Донбасс олохтоохторугар көмөлөстүлэр, кинилэртэн волонтердуур киһи аҕыйаҕа суох.

В.Путин-01.jpg

– Парламент ыытар бэлиитикэтэ биһиги историческай кырдьыкпытыгар эрэнэн, дойду суверинитетын туһугар туруулаһан, Донбасска баар дьоммутугар көмөлөргө быһаарыммыт Арассыыйа норуотун дьулууругар тирэҕирэр. Түмсүүлээх, үрдүк таһымнаах үлэҕит иһин махтанабын. Бары фракциялар политическай кыахтарын, сиппиттэрин-хоппуттарын көрдөрдүлэр, баартыйалар икки ардыларынааҕы мөккүөрү умнан тураннар, Арассыыйа дьиҥнээх патриоттарын быһыытынан түмсүүлээхтик, биир сомоҕо буолан үлэлээтилэр. Тоҕо диэтэххэ, баартыйа элбэх, оттон Ийэ дойду соҕотох, Аҕа дойду дьылҕатыттан ордук суолталаах суох, – диэтэ Владимир Путин.

В._Путин_--_2.jpg

Судаарыстыбаннай Дуума Бэрэссэдээтэлэ Вячеслав Володин парламентарийдар ааттарыттан Бэрэсидьиэҥҥэ Донецкайдааҕы уонна Луганскайдааҕы норуоднай өрөспүүбүлүкэлэр тутулуга суох буолууларын билинии, итиэннэ анал эпэрээссийэни саҕалааһын иһин махтанна, итинэн улахан иэдээн тахсара бохсуллубутун бэлиэтээтэ. Онон байыаннай эпэрээссийэҕэ сылдьар саллааттары, офицердары өйөөһүн, кинилэр дьиэ кэргэттэригэр кыһамньы ураты чорботуллар сорук уонна ытык иэс буоларын эттэ.

– Арҕаа дойдулар Арассыыйаны утары 11 160 сааҥсыйаны биллэрбиттэрэ. Атын биир да судаарыстыба итинник ыгыыны көрсө илик. Итини өйдөөн тураммыт, биһиги үлэбитигэр атыннык сыһыаннаһарбыт ирдэнэр. Күн бүгүн биһиэхэ биир баартыйа баар, ол – дойдубут. Ийэ дойду интэриэһэ бары баартыйалар бырагыраамаларыттан үрдүк, – диэтэ Вячеслав Володин.
КПРФ политическай баартыйа фракциятын лиидэрэ Геннадий Зюганов аныгыскы көрсүһүүгэ дойду баһылыгыттан социалистическай идиэйэлэри өйүүр туһунан истэригэр эрэнэрин биллэрдэ.

ЛДПР фракциятын салайааччы Леонид Слуцкай: «Биһигини утары сааҥсыйалар уонна рестрикциялар сотору чачайыахтара», – диэтэ. Онуоха Бэрэсидьиэн кинини кытары сөбүлэстэ, итиэннэ Владимир Жириновскайы дойду биир бөдөҥ политическай диэйэтэлин, Арассыыйа патриотун быһыытынан билинэрин туһунан эттэ.

В.Путин_--_3.jpg

«Сиэрдээх Арассыыйа -- Патриоттар – Кырдьык иһин» социалистическай политическай баартыйа фракциятын салайааччы Сергей Миронов Украина Харьковтааҕы уобалаһын олохтоохторо Арассыыйа гражданствотын ылар эрэсиимнэрин судургутутар наадатын ыйда.

«Новые люди» баартыйа фракциятын салайааччы Алексей Нечаев сааҥсыйаны биллэрбит дойдуларга бэйэлэригэр хааччахтыыр түһээни оҥорор сиэрдээҕин эттэ.

-- Биһиги экэниэмикэбит эккирэтэр экэниэмикэ буолартан уурайан, сайдыы экэниэмикэтэ буолуохтаах, – диэн туран, «Биир ньыгыл Арассыыйа» политическай баартыйа фракциятын баһылыга Владимир Васильев экэниэмикэни өйүүр дьаһаллары салгыы оҥорорго эттэ.
Владимир Путин билигин уопсастыба сомоҕолоһуутун таһынан, Сэбилэниилээх Күүстэри өйөөһүн бүтүн национальнай бэбиэскэ буоларын эппитин дьокутааттар биһирииллэрин биллэрдилэр.

В.Путин_--_мунях-1.jpg

– Кэлиҥҥи кэмҥэ буола турар быһыы-майгы Арассыыйа экэниэмикэтин сүрүн тирэхтэрэ биһиэхэ үтүөнү баҕарбат дьон саныырынааҕар быдан бөҕө туруктааҕын ырылхайдык көрдөрдө. Ол эрээри, экэниэмикэни, социальнай эйгэни өйөөһүн, наада буолар үлэ миэстэтин таһаарыы уонна бары эйгэнэн дойду сайдыытыгар саҥа тэтими биэрии биһигиттэн уонна эһигиттэн, дьокутааттартан, улахан тутулуктаах. Таһаарыылаах үлэҕит иһин өссө төгүл махтанабын, аны да бииргэ үлэлиэхпит диэн эрэнэбин, – диэтэ Бэрэсидьиэн көрсүһүүнү түмүктүүрүгэр диэн duma.gov.ru иһитиннэрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Экономика

Эбии үбүлээһин көрүлүннэ

Уһук Илин федеральнай уокурук эрэгийиэннэрэ «биир кэлим субсидиянан» эбии үп-харчы…
01.10.22 22:36