- Владимир Путин бэйэтин Туhаайан этиитигэр дойду инфраструктурата сайдыытыгар 4 трлн солк. көрүллүөҕүн туһунан этии киллэрбитин, итиэннэ КРСТ бырагырааматын нөҥүө 0% кирэдьиит олохтонуоҕа диэн этиитин биһирээтим.
Донбасс эрэгийиэннэрэ Арассыыйа экэниэмикэтигэр, юридическай систиэмэтигэр интеграцияланаллара сөптөөх хардыы дии санаатым. Анал байыаннай эпэрээссийэ ыстаатыһа уларыйбатаҕыттан, бу эпэрээссийэ хаҥаабатыттан кини этэҥҥэ түмүктэниэ, сотору кэминэн билигин сулууспалыы сылдьар биир дойдулаах уолаттарбыт этэҥҥэ, чэгиэн кэлиэхтэрэ диэн эрэнэбит.
Маны таһынан, Владимир Владимирович этиитигэр грант куонкурустарын, урбаан эйгэтин өйүүр наадалааҕын эппитин сэргии иһиттим. Саҥа бырайыактар олоххо киирэллэригэр мэһэйдэр суох буолуохтаахтарын, бүтүн дойду сайдарыгар туһуламмыт көҕүлээһиннэр өйөнүллүөх тустаахтарын эппититтэн үөрдүм.
-
8
-
0
-
0
-
0
-
1
-
0
