Дьокутаат “Сиэрдээх Арассыыйа” баартыйа киһи хапытаалын харыстыырга уонна сайыннарарга анаммыт бүддьүөт үбүн-харчытын анал дьиэ кэргэн счеттарын арыйан, онно быһаччы уган мунньар бырайыагы оҥорбутун иһитиннэрдэ. Кини билигин өрөспүүбүлүкэ бүддьүөтүттэн социальнай эйгэҕэ көрүллүбүт 32 млрд. солк дьадаҥы дьиэ кэргэттэр кыһалҕаларын кыайан баһаарбатын эттэ.
Федот Тумусов аадырыстаах эрэ көмө дойдуга уонна өрөспүүбүлүкэҕэ дьадайыы боппуруоһун быһаарарга көдьүүстээх буолуоҕун бэлиэтээтэ. Ону таһынан, доруобуйа харыстабылыгар көрүллэр үп систиэмэтин уларытарга баартыйа этии киллэрбитин кэпсээтэ. “Сиэрдээхтэр” санааларынан, үбүлээһин бүддьүөт систиэмэтигэр олоҕуран оҥоһулуннаҕына, ыраах нэһилиэнньэлээх пууннарга мэдиссиинэ көмөтүн оҥорор тэрилтэлэр ахсааннарын дьон ахсааныттан тутулуга суох оннунан хаалларар кыах үөскүүрүн кэпсээтэ.
Ону таһынан көрсүһүү кэмигэр дьокутаат уонна да атын бэлитиичэскэй боппуруостарга тохтоото.
Дьокутаат суруналыыстары кытта көрсүһүүтэ: https://tumusov.com/
-
0
-
0
-
0
-
0
-
0
-
0
