Издательский дом Редакция Подписка
Погода в Якутске: . -38 oC

РФ Бырабыыталыстыбата 2035 сылга диэри Уһук Илин сайдыытын национальнай бырагырааматын бэлэмнээбитин туһунан премьер-миниистир Михаил Мишустин Владимир Путиҥҥа иһитиннэрдэ.

РФ Бырабыыталыстыбата 2035 сылга диэри Уһук Илин сайдыытын национальнай бырагырааматын бэлэмнээбитин туһунан премьер-миниистир Михаил Мишустин Владимир Путиҥҥа иһитиннэрдэ.

Санатан эттэххэ, соторутааҕыта Мишустин Уһук Илиҥҥи федеральнай уокурукка түөрт эрэгийиэнин кэлэн кэрийэн барбыта. Онно олохтоохтору, уопсастыбаннаһы кытта элбэхтик көрсүбүтэ. Көрсүһүүлэргэ дьон “Уһук Илиҥҥи ипотека” уонна “Уһук Илиҥҥи гектар” бырагыраамалар итэҕэстэрин ыйбыттара. Ону таһынан хаарбах туруктаах дьиэ-уот боппуруоһа элбэхтик күөрэйбитэ. Онон Бырабыытылыстыба ити боппуруостары национальнай бырагыраамаҕа киллэрбит. Михаил Мишустин бырагырааманы оҥорорго Уһук Илин уонна Арктика сайдыытын министиэристибэлэрэ, уопсастыбаннас быһаччы кыттыыны ылбыттарын эттэ.

Социальнай тосхоллору таһынан экэнэмиичэскэй миэрэлэр киирбиттэр. Холобур, премьер этэринэн, бүддьүөт кирэдьииттэрин реструктуризациялааһынтан босхоломмут үп Уһук Илин эрэгийиэннэрин гаастааһыҥҥа барыан сөп.

Мишустин Владимир Путины кытта мунньахха Уһук Илин хас биирдии субъега элбэх кыһалҕалааҕын эттэ:

– Аныгы балыыһалар, элбэх өрөмүөн, саҥардыы наадалар. Холобур, Чукотка уокуруктааҕы балыыһатыгар саҥа тэрилинэн хааччыллары туруоруста. Камчатка кыраайдааҕы балыыһата доҕолоҥнообут тутуу буолбут. Ону бүтэрэргэ эбии үп-харчы ирдэнэр, – диэн премьер-миниистир хас биирдии эрэгийиэн кыһалҕатын ойуулаан биэрдэ. Аны туран, Михаил Мишустин Уһук Илини уотунан хааччыйыы уһулуччу суолталааҕын бэлиэтээтэ. Кини электро-уот сыанатын сөптөөх биир таһымҥа тутарга этии киллэрдэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением