Арассыыйа сүрүн бэлиэлэрэ киэн туттуу санаатын саҕыахтаахтар
Издательский дом Редакция Подписка
Погода в Якутске: . -0 oC

Арассыыйа судаарыстыбаннаһа үс бэлиэлээх: өрөгөй ырыата (гимн), дьарылык (гиэрбэ) уонна былаах. Үрдүкү салалта бэлиэлэри сөпкө туһанар уонна көмүскүүр, харыстабыллаахтык сыһыаннаһар туһуттан федеральнай сокуоннарга уларытыылары уонна эбиилэри киллэрбитэ. Судаарыстыбаннай бэлиэлэри сыыһа, сэнэбиллээхтик, чиэһин түһэрэрдии туһаннаххына уонна тутуннаххына, миэрэҕэ тардыллаҕын.

Арассыыйа судаарыстыбаннаһа үс бэлиэлээх: өрөгөй ырыата (гимн), дьарылык (гиэрбэ) уонна былаах. Үрдүкү салалта бэлиэлэри сөпкө туһанар уонна көмүскүүр, харыстабыллаахтык сыһыаннаһар туһуттан федеральнай сокуоннарга уларытыылары уонна эбиилэри киллэрбитэ. Судаарыстыбаннай бэлиэлэри сыыһа, сэнэбиллээхтик, чиэһин түһэрэрдии туһаннаххына уонна тутуннаххына, миэрэҕэ тардыллаҕын.

Арассыыйа күнүн быйыл 31-с сылбытын бэлиэтиибит. Санатар буоллахха, 1994 сылтан 2002 сылга диэри бу бырааһынньык Арассыыйа судаарыстыбаннай сүбэринитиэтин туһунан Декларацияны ылыммыт күн быһыытынан бэлиэтэнэрэ. Ити күн, ол эрээри 1991 сыллаахха, дойду баһылыгын быыбарыгар, элбэх куолаһы ылан, Борис Ельцин Бэрэсидьиэн буолбута. Кини 1994 с. таһаарбыт Ыйааҕынан бэс ыйын 12 күнэ судаарыстыбаннай суолталаммыта.

декларац

 РФ Үлэҕэ уонна дьарыктаах буолууга федеральнай сулууспата (Роструд) иһитиннэрбитинэн, Арассыыйа күнүнэн сибээстээн биһигини кылгас үлэ нэдиэлэтэ күүтэр. Быйыл бэс ыйын 12 күнэ субуотаҕа түбэһэр, онон бэс ыйын 14 күнэ (бэнидиэнньик) өрөбүл күнүнэн ааҕыллар. Оччотугар кэлэр нэдиэлэ түөрт үлэ күннээх буолар.

Бэрэсидьиэн Владимир Путин: «Сүбэринитиэт Декларацията ылыныллыбыт күнүттэн сокуоҥҥа уонна гражданскай көҥүлгэ тирэҕирэр демократическай судаарыстыба устуоруйата саҕаланар. Кини сүрүн ис хоһооно — ситиһии уонна нэһилиэнньэ бигэ туруктаах, байылыат олохтоох буолуута».

Өрөгөй ырыабыт, былаахпыт, дьарылыкпыт

ВЦИОМ ыыппыт ыйытыгын түмүгүнэн, Арассыыйа олохтоохторун 71%-нара былаахпытыттан, 72%-нара гиэрбэттэн, 75%-нара гимн ырыатыттан патриотическай санаалара, дойдуларынан киэн туттуулара күүһүрэр эбит. 11%-нара сүрүн атрибуттарга көннөрү үчүгэйдик сыһыаннаһаллар, соччо бырыһыаннара букатын да аахайбат да, наадыйбат да үһүлэр. 1% дьон Арассыыйа сүрүн судаарыстыбаннай бэлиэлэриттэн кыйаханарын билиммит.

Ити бэлиэлэри кытта сорохторго бу курдук өйдөбүллэр дьүөрэлии  киирэллэр эбит: норуот уонна сомоҕолоһуу  (8%), кыах уонна модун (4%), Кириэмил уонна Кыһыл болуоссат (3%)

сивалолы рф

Гиэрбэни кэтэр таҥаска, сувенирга туһаныы

Арассыыйа гиэрбэтин кэтэр таҥаска, дьиэ тээбиринигэр уонна сувенирга туһаныахха сөп. Туһааннаах сокуон барылын 2017 с. ахсынньы 20 күнүгэр Госдума бигэргэппитэ. Сыала — патриоттуу өйү-санааны уһугуннарыы. Онон билигин гражданнар, уопсастыбаннай түмсүүлэр, тэрилтэлэр гиэрбэни саарбахтаабакка туһаныахтарын сөп.

Билии күнүн бастакы уруогун саҕалыах иннинэ, ону тэҥэ үөрэх тэрилтэлэрэ судаарыстыбаннай уонна муниципальнай бырааһынньыктарга анаммыт үөрүүлээх тэрээһиннэрин кэмигэр Арассыыйа өрөгөйүн ырыатын толоруу эбэтэр холбоон иһитиннэрии булгуччулаах.

РФ судаарыстыбаннай бэлиэлэригэр ытыктабыллаах сыһыан күүһүрэн, киэҥник туһаныы улаатан иһэр, онуоха сокуоҥҥа киирбит көннөрүүлэр оннук кыаҕы биэрэллэр.

символ рф круж

Судаарыстыбаннай бэлиэлэри көмүскээһин

Судаарыстыба бэлиэлэрин Интэриниэт ситимигэр баһааҕырдар иһитиннэриилэри Роскомнадзор сотторор, тохтотор бырааптаах.

Докумуоҥҥа суруллубутунан, судаарыстыба бэлиэлэрин хараардыы дьон-сэргэ санаатын түһэрэр, уопсастыбаҕа аптарытыатын түһэрэр, РФ Конституциятыгар, былаас уорганнарыгар ытыктабыла суох сыһыаны үөскэтэр.

Көрдөрөр-иһитиннэрэр ситимнэргэ, ол иһигэр Интэриниэккэ, оннук киртитэр, үөҕэр суруйуулары, сибидиэнньэлэри буллахтарына, генеральнай борокуруор эбэтэр кини солбуйааччылара ол матырыйааллары суох оҥорорго уонна миэрэ ыларга Роскомнадзорга сорудах биэрэр. Ирдэбил толоруллубат түгэнигэр, дьон көҥүл киирэн көрөр, истэр, тарҕатар кыахтара тустаах ресурстарга хааччахтанар.

Судаарыстыбаннай бэлиэлэр тустарынан сымыйа сурахтары тарҕатыыны, киртитиини, баһааҕардыыны уонна куһаҕан тылынан саҥарыыны утары охсуһуу үлэҕэ туһуламмыт сокуон бырайыактара Госдумаҕа 2017 с. ахсынньы 12 күнүгэр көрүүгэ киирбиттэрэ, ахсынньы 20 күнүгэр бигэргэммиттэрэ.  

Василий ПРОКОПЬЕВ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости