- Алексей Ильич Еремеевы ыччат миниистиринэн үлэлиэҕиттэн билэбин. Ол курдук, 2003 сыллаахха биһиэхэ Мэҥэ Хаҥаласка Манчаарыы оонньуулара буолбутугар, Ыччат министиэристибэтэ эдэр дьон ортотугар улахан үлэни ыыппыта. Оччотооҕуга кинилиин улуус баһылыгын социальнай боппуруостарга солбуйааччынан үлэлии сылдьан алтыспытым уонна иккиэн спартакиада үрдүк таһымнаахтык ыытылларыгар сырабытын-сылбабытын уурбуппут. Алтыс ыҥырыылаах Ил Түмэн мунньаҕар Алексей Еремеев салайар сис кэмитиэтэ олус элбэх эппиэттээх сокуон барылларын ылынарга быһаччы үлэлэһэ сылдьар. Аны Алексей Ильич хара маҥнайгыттан тыа хаһаайыстыбатыгар баар кыһалҕалары дириҥник билэр уонна өйдүүрүн иһин кинилиин кэпсэтэн, санаа атастаһан баран, Ил Түмэн тыа сиригэр уонна аграрнай бэлиитикэҕэ сис кэмитиэтигэр чилиэнинэн киллэрбиппит. Тыа сирин сайыннарыы бырагырааматын үбэ-харчыта элбииригэр уонна тыа хаһаайыстыбатыгар сыһыаннаах сокуоннар салгыы сайдан, тупсан иһэллэригэр исписэлиис уонна уопуттаах парламентарий быһыытынан быһаччы оруоллаах. Кини кэмитиэккэ элбэҕи көмөлөстө. Билигин кини кандидатуратын Ил Түмэн Бэрэссээдэтэлин дуоһунаһыгар киллэрбиттэрин икки илиибинэн өйүүбүн. Судаарыстыбаннай Мунньах уопсай үлэтигэр уонна тыа хаһаайыстыбатын боппуруостарыгар салгыы күргүөмнээхтик бииргэ үлэлиэхпит диэн эрэнэбин. Алексей Ильичкэ ситиһиини баҕарабын!
-
0
-
0
-
0
-
0
-
0
-
0
