Издательский дом Редакция Подписка
Погода в Якутске: . -14 oC

Ил Түмэн XXXVIII уочараттаах пленарнай мунньаҕар «Тулаайах уонна төрүппүт көрүүтэ-истиитэ суох хаалбыт, эпиэкэҕэ (бэбичиитэлгэ) биитэр иитиэх дьиэ кэргэҥҥэ сылдьар оҕолорго көрүллэр харчы төлөбүрүн, итиэннэ кээмэйин уонна харчыны биэриигэ олохтоох салайыныы уорганнарыгар судаарыстыба кэккэ боломуочуйатын биэрэр туһунан» Саха Өрөспүүбүлүкэтин 452-6 №-дээх сокуонугар уларытыылары киллэрэр туһунан» сокуон барылыгар сүрүн иһитиннэриини үлэ уонна социальнай сайдыы миниистирэ Елена Волкова оҥордо.

Ил Түмэн XXXVIII уочараттаах пленарнай мунньаҕар «Тулаайах уонна төрүппүт көрүүтэ-истиитэ суох хаалбыт, эпиэкэҕэ (бэбичиитэлгэ) биитэр иитиэх дьиэ кэргэҥҥэ сылдьар оҕолорго көрүллэр харчы төлөбүрүн, итиэннэ кээмэйин уонна харчыны биэриигэ олохтоох салайыныы уорганнарыгар судаарыстыба кэккэ боломуочуйатын биэрэр туһунан» Саха Өрөспүүбүлүкэтин 452-6 №-дээх сокуонугар уларытыылары киллэрэр туһунан» сокуон барылыгар сүрүн иһитиннэриини үлэ уонна социальнай сайдыы миниистирэ Елена Волкова оҥордо.

Сокуон барыла Дьиэ кэргэн федеральнай кодексын 153.1 ыстатыйатыгар уонна Айсен Николаев быйылгы Анал этиитигэр олоҕуран оҥоһуллубут. Дьиэ кэргэҥҥэ иитиллэр тулаайах оҕо ахсаана бытааннык эрээри, эрэллээхтик эбиллэр – 223 иитиэх дьиэ кэргэҥҥэ 632 оҕо баар.

Кулун тутар 15 күнүнээҕи чахчынан, тулаайах оҕолорго көмөлөһөр кииннэргэ 231 оҕо, ол иһигэр 16 инбэлиит, 14 сааһын ааспыт 114 оҕо баар. 106 оҕо бырааттаах-балыстаах, оттон оҕо ииттиэхтэрин баҕарар ыаллар хас да тулаайаҕы ылар кыахтара суох, ону таһынан инбэлиит оҕолору уонна 14-тэн үөһэ саастаах оҕолору ыла сатаабаттар. Дьэ, ити иһин, тулаайах оҕолору иитэ ылар ыаллары өйөөһүн биир көрүҥүн быһыытынан, тулаайах оҕону иитэр төрөппүккэ, патронатнай иитээччигэ ый ахсын көрүллэр төлөбүр тирэх (алын) кээмэйэ икки төгүл үрдэтиллэр, итиэннэ иитиллэр оҕо ахсаанынан, сааһынан, доруобуйатын туругунан тутулуктанан, эбии коэффициент ааҕыллар буолбут. Төлөбүр алын кээмэйэ билигин 2 943 солк., манна оройуоннааҕы коэффициент уонна хотугу надбавка эбиллэн, I зонаҕа 8 240, II зонаҕа 7357 солк. буолар, саҥа сокуонунан туһааннааҕынан 16 480 уонна 14 715 солк., оттон инбэлиит оҕону иитэргэ 28 164 (билигин 12 802) солк., 14-тэн аҕа саастаах оҕону иитэргэ 30720 (билигин 11 521) солк. көрүллүөхтээх.

Норуот дьокутааттара иитэр оҕотун туох эмэ дьаһалга кытыннара илдьэ барар, о.д.а. аҕа бу оҕоҕо сыһыаннааҕын дакаастыыр кыаҕа суоҕун холобурдааннар, иитиэх дьиэ кэргэн баһылыгын статуһа хайдах бигэргэнэрин, көрүллэр харчы хайдах хонтуруолланарын, элбэх оҕону иитэр ыалга оҕо ахсын төһөлүү харчы көрүллэрин чопчуластылар.

Пленарка_--_Ябловская.JPG

– Дьадайыы таһымын намтатарга, дьэ, маннык дьиэ кэргэттэргэ көмөлөһөр, гуманнай санаанан салайтаран, тулаайах оҕолору ылан, уопсастыбаҕа туһалаах дьон гына иитэн таһаарар ыаллары өйүүр олус наада, – диэтэ норуот дьокутаата Любовь Явловская.

Спикер Алексей Еремеев өйөбүл саҥа көрүҥнэрин туһунан нэһилиэнньэҕэ үчүгэйдик илдьиритэн быһаарар наадатын бэлиэтээтэ.

Хаартыскаҕа Василий Кононов (Ил Түмэн) түһэриитэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением