Издательский дом Редакция Подписка
Погода в Якутске: . -15 oC

Бу күннэргэ Ил Дархан Айсен Николаев салалтатынан нуучча географическай уопсастыбатын Саха Сиринээҕи салаатын Попечительскэй Сэбиэтин мунньаҕа буолан ааста.

Бу күннэргэ Ил Дархан Айсен Николаев салалтатынан нуучча географическай уопсастыбатын Саха Сиринээҕи салаатын Попечительскэй Сэбиэтин мунньаҕа буолан ааста.

Тэрээһиҥҥэ Ил Түмэн Сир сыһыаннарыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев географическай эбийиэктэргэ ааттары иҥэриигэ тыл эттэ.

242AD8ED 1FD6 443C 8FFE 75007776794A

Бастакытынан, уопсастыба бастакы көҕүлээһининэн, Өймөкөөҥҥө баар Сунтаар Хайатын сиһигэр аата суох хайаҕа «Өксөкүлээх Өлөксөй аатынан хайа өргөһө» ааты иҥэрии былырыын ыам ыйын 20 күнүгэр парламент көрүүтүгэр киирбитэ. Ол эрээри, 2017 с. ылыныллыбыт өрөспүүбүлүкэ сокуона элбэх уустуктары уонна эбии үбү-харчыны ороскуоттууру эрэйэрэ. Итинэн сибээстээн, бу боппуруоһу быһаарыыга парламеҥҥа саҥа сокуон барыла оҥоһуллубута уонна былырыын бэс ыйын 14 күнүгэр бигэргэммитэ. Саҥа бэрээдэгинэн географическай уопсастыба көҕүлээһинэ билигин туһааннаах Ил Түмэн кэмитиэтигэр ырытыллар, ол кэннэ сааскы пленарнай мунньах көрүүтүгэр киллэриллиэҕэ.

горы

Оттон бу сыл иккис аҥаарыгар уопсастыба иккис көҕүлээһининэн, Саха Сирин судаарыстыбаннаһын төрүттээччилэр Максим Кирович Аммосов уонна Платон Алексеевич Ойуунускай, ону тэҥэ «САССР 100 сыла» диэн ааттары аата суох хайалар өргөстөрүгэр сүктэрэр этиини сөргүттүлэр.
Сахамин Афанасьев бэлиэтииринэн, Алексей Кулаковскай, Махсыым Аммосов, Былатыан Ойуунускай, Исиидэр Бараахап, Степан Аржаков курдук саха саарыннарын ааттарын иҥэрии Саха АССР тэриллибитэ 100 сылыгар туһуланар уонна ураты дириҥ суолталаах. Сокуон быһыытынан, хас биирдии географическай эбийиэктэргэ чулуу дьон ааттарын иҥэрии булгуччу регистрацияланыахтаах уонна учуоттаныахтаах.

Билигин даҕаны аата суох географическай эбийиэктэр элбэхтэр, холобур, Эркээни, Туймаада уонна Эҥсиэли улуу хочолоро судаарыстыбаннай каталог испииһэгэр киллэриллэ иликтэр.

1f86e920 dd92 4743 bdc9 b96eef364462

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением