Издательский дом Редакция Подписка
Погода в Якутске: . -12 oC

Арассыыйа Федерациятын Бырабыытылыстыбата Уһук Илин социальнай экэнэмиичэскэй сайдыытын национальнай бырагырааматын бигэргэттэ. Тустаах дьаһалга премьер-миниистир Михаил Мишустин балаҕан ыйын 24 күнүгэр илии баттаата. Ил Түмэн Судаарыстыбаннай Мунньаҕын билимҥэ, үөрэххэ, култуураҕа, информацияны киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева саҥа докумуон туһунан санаатын үллэһиннэ.

Арассыыйа Федерациятын Бырабыытылыстыбата Уһук Илин социальнай экэнэмиичэскэй сайдыытын национальнай бырагырааматын бигэргэттэ. Тустаах дьаһалга премьер-миниистир Михаил Мишустин балаҕан ыйын 24 күнүгэр илии баттаата. Ил Түмэн Судаарыстыбаннай Мунньаҕын билимҥэ, үөрэххэ, култуураҕа, информацияны киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева саҥа докумуон туһунан санаатын үллэһиннэ.

“Национальнай бырагырааманы оҥорор туһунан сорудаҕы Арассыыйа Федерациятын Бэрисидьиэнэ Владимир Путин 2018 сыллаах Илиҥҥи экэнэмиичэскэй форум кэннэ биэрбитэ. Бырайыак оҥоһуллубута уонна 2019 сыллаах Илиҥҥи экэнэмиичэскэй форум кыттыылаахтарын дьүүлүгэр тахсыбыта. 2020 сыл бэс ыйыгар “Уһук Илин социальнай экэнэмиичэскэй сайдыытын миэрэлэрин туһунан” 427 №-дээх Арассыыйа Бэрисидьиэнин ыйааҕа тахсыбыта. РФ Бырабыытылыстыбатын 2020 сыллаах балаҕан ыйын 24 күнүнээҕи ыйааҕынан Уһук Илин 2024 сылга диэри уонна 2035 сылга диэри кэскиллээх сыаллаах национальнай бырагыраамата бигэргэммитэ”, – диэн норуот дьокутаата кэпсээтэ.

Феодосия Васильевна Национальнай бырагыраамаҕа Уһук Илиҥҥи субъектар социальнай-экэнэмиичэскэй сайдыыларын сүрүн хайысхалара уонна көрдөрүүлэрэ бүтүннүү ыйыллыбыттарын бэлиэтээтэ.

Кини этэринэн, Национальнай бырагыраама иитинэн Саха сирин үөрэҕин эйгэтигэр элбэх үлэ-хамнас былааннаммыт. Ол курдук, уһуйааннары тутуу уонна саҥардыы, оскуолалар уонна орто үөрэх кыһаларын хапытаалынай өрөмүөннэрэ, үөрэх тэрилтэлэрин эдэр чинчийээччилэрин билимҥэ үлэлэрин өйөөһүн, талааннаах оҕолору өйүүр киини тэрийии, идэтийии таһымын үрдэтэр урутаан сайдар киини тэрийии, үөрэх  тэрилтэлэригэр 2745 эбии миэстэни тэрийии, уо.д.а. киирбиттэр.  

Култуура эйгэтигэр эмиэ саҥа эбийиэктэри тутуу, баар эбийиэктэри саҥардыы, федеральнай уонна эрэгийиэннээҕи таһымнаах өйдөбүнньүк дааталары бэлиэтээһиннэри өйөөһүн, ыраах олорор оскуола үөрэнээччилэригэр Уһук Илин туһунан сырдатар култуурунай уонна үөрэтэр бырагыраамалары тэрийии, уо.д.а. ыйыллыбыттар.    

“Бастатан туран, Бырагыраама аадырыстаах оҥоһуллубут. Кини Уһук Илин хас биирдии эрэгийиэнин таарыйар. Иккиһинэн, Бырагыраама Уһук Илин социальнай экэнэмиичэскэй сайдыытыгар туһуламмыт национальнай бырайыактары (бырагыраамалары), РФ судаарыстыбаннай бырагыраамаларын кытта ыкса ситимнээх. Үсүһүнэн, Уһук Илиҥҥи макро-эрэгийиэн кэскиллээх сайдыытын кэлэр 15 сылга торумнуур”, – диэн парламентарий бэлиэтээтэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением