Издательский дом Редакция Подписка
Погода в Якутске: . -14 oC

Ил Түмэн бүддьүөккэ, үпкэ, нолуокка уонна бас билии боппуруостарыгар сис кэмитиэтин мунньаҕар норуот дьокутааттара 2020 сыл бүддьүөтүгэр, итиэннэ 2021 уонна 2022 сыллардааҕы бүддьүөт барылыгар киирбит көннөрүүлэри ылыннылар. Ону сэргэ 2021-2023 сылларга өрөспүүбүлүкэ бас билиитин приватизациялааһыҥҥа билгэлиир былааны кытта сөпсөһөллөрүн биллэрдилэр.

Ил Түмэн бүддьүөккэ, үпкэ, нолуокка уонна бас билии боппуруостарыгар сис кэмитиэтин мунньаҕар норуот дьокутааттара 2020 сыл бүддьүөтүгэр, итиэннэ 2021 уонна 2022 сыллардааҕы бүддьүөт барылыгар киирбит көннөрүүлэри ылыннылар. Ону сэргэ 2021-2023 сылларга өрөспүүбүлүкэ бас билиитин приватизациялааһыҥҥа билгэлиир былааны кытта сөпсөһөллөрүн биллэрдилэр.

Мунньахха сис кэмитиэт чилиэннэрэ, СӨ Бырабыыталыстыбатын Бэрэссэдээтэлэ Андрей Тарасенко, бырабыыталыстыба чилиэннэрэ кытыннылар. «2020 сылга, итиэннэ 2021 уонна 2022 сыллардааҕы кэмҥэ торумнанар судаарыстыба бүддьүөтүн туһунан» сокуоҥҥа уларытыылары киллэрии бырайыак барылын үп миниистирэ Валерий Жондоров билиһиннэрдэ.

Валерий Алексеевич бу сылга бүддьүөт дохуоттаах чааһыгар уларыйыылар тустарынан сиһилии кэпсээтэ. Сыл устата Ил Дархан Айсен Николаев уонна СӨ Бырабыыталыстыбата өрөспүүбүлүкэ бүддьүөтүн дохуоттаах чааһыгар эбии үбү булууга элбэх үлэни ыыппыттарын туһунан иһитиннэрдэ. Ол курдук, федеральнай бүддьүөттэн эбии 6,5 млрд. солк. кэлэрэ уонна коронавирус дьаҥын утары 4 млрд. солк. тыырыллара ситиһиллибит. «Газпром» уонна «Сургутнефтегаз» курдук нолуок төлүүр кыахтаах бөдөҥ хампаанньалар «АЛРОСА» АХ дохуота түһэр кэмигэр өрөспүүбүлүкэ бүддьүөтүн толорон биэрдилэр.

Сокуон бырайыагынан 2020 сылга өрөспүүбүлүкэ бүддьүөтүн уопсай дохуота 7 млрд. 215 мөл. солк. улааппыт, онон дохуоттаах чаас барыта 231 млрд. 225 мөл. солк. тэҥнэспит. 2021 сылга уопсай дохуот 191 млрд. 467 мөл. солк. буолан, барыта 203 млрд. 440 мөл. солк. тиийиэхтээх. Ол эрээри, 2022 сылга уопсай дохуот 8 млрд. 594 мөл. солк. түһэрэ күүтүллэр, онон барыта 221 млрд. 46 мөл. солк. буолуохтаах.

Аны ороскуот туһунан. Бу ааһан эрэр 2020 сылга уопсай ороскуот 8 млрд. 215 мөл. солк. үрдээбит, барыта 239 386 027 тыһ. солк. тэҥнэһэр. Нолуоктан киирэр дохуот 108 млрд. 722 мөл. солк. тэҥнэһиэ диэн сабаҕалыыллар, 2 млрд. 101 мөл. солк. кыччаабыт. Нолуоктан ураты дохуот 2 млрд. 389 мөл. солк. кыччыыра күүтүллэр уонна уопсайа 9 млрд. 97 мөл. солк. тэҥнэһэр.

Норуот дьокутааттара Виктор Губарев, Иван Данилов, Виктор Федоров, Яков Ефимов миниистиргэ кэккэ ыйытыылара биэрдилэр.

Виктор Губарев «Аэропорты Севера» тэрилтэҕэ болҕомто ууралларыгар эппитигэр, СӨ Бырабыыталыстыбатын Бэрэссэдээтэлэ Андрей Тарасенко ити боппуруоска федеральнай бырабыыталыстыбаны кытта үлэ ыытылларын туһунан эттэ. Дьокутаат Виктор Федоров нэһилиэнньэ үлэлээх буолуутун хааччыйыыга үбү улаатарын туһунан ыйыталаста. Вице-спикер Антонина Григорьева үөрэх тэрилтэлэригэр санитарнай-эпидемиологическай нуорманы тутуһарга рециркулятордарынан, харыстыыр сириэстибэлэринэн хааччыйыыга үбүлээһини эрдэттэн көрөргө этии киллэрдэ.

Дьокутаат Яков Ефимов хомунаалынай өҥөҕө төлөбүрү оҥорор инниттэн аадырыстаах субсидияны уонна хапытаалынай өрөмүөнү үбүлүүрү күүскэ туруоруста. СӨ Бырабыыталыстыбатын Бэрэссэдээтэлин солбуйааччы Алексей Колодезников ити боппуруос хонтуруолга сылдьарын этэн туран, хайаан да төлөнүө диэн быһаарда.

 Ити курдук дьокутааттар санааларын этэн баран, сокуон бырайыагын өйөөтүлэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением