Норуот дьокутаатыгар приемҥа Нам улууһун 7 олохтооҕо киирэ сырытта.
Онно Наталья Румянцева Искра бөһүөлэгэр оҕо уһуйаанын тутуу, доруобуйатынан хааччахтаах оҕону эминэн хааччыйыы, Бөтүҥ бөһүөлэгэр чааһынай дьиэлэри гаас ситимигэр холбуурга, итиэннэ Нам сэлиэнньэтигэр сир учаастагын докумуонун оҥорууга көмөлөһүү, үөрэхтээһин бэтэрээнигэр аналлаах кинигэ таһааттарыытын үбүлээһин, онтон да атын боппуруостары көрдө.
Нэһилиэнньэлиин көрсүү күнүгэр киирбит этиилэргэ норуот дьокутаата үлэҕэ ылыста, сиһилии хоруйу биэрдэ уонна туһааннаах сүбэлэри эттэ.
- Саха Өрөспүүбүлүкэтин туһааннаах биэдимистибэлэригэр, министиэристибэлэригэр уонна тэрилтэлэригэр дьокутааттан ыйытыылар уонна ирдэбиллэр киириэхтэрэ, - диэн Наталья Румянцева көрсүһүүнү түмүктээтэ.
-
0
-
0
-
0
-
0
-
0
-
0
