Сокуон барылынан орто идэлээх уонна үрдүк үөрэх бырагыраамаларынан үөрэнэр педагогическай үлэнэн дьарыктаныыга устудьуоннарга эбии үөрэххэ кыах киллэрэри көрдөрөр. Устудьуоннары үлэҕэ ыытар бэрээдэгэ уонна усулуобуйата дойду Үөрэҕин министиэристибэтинэн олохтонуоҕа.
Маны таһынан сокуон барылынан 2012 с. күүһүгэр киириэр диэри «Үөрэхтээһин туһунан» сокуон уонна тустаах үрдүк сололоох аттестационнай хамыыһыйа билиммит оҕо саадын иитээччилэригэр квалификационнай ирдэбиллэрин намтатар. Бу ыйыллыбыт специалистарга орто идэлээҕин эбэтэр үрдүк үөрэхтээҕин туоһулуурун быһаарар ирдэбиллэр туһаныллыбаттар.
Бу кэпсэтиилэр үлэни көдьүүстээхтик толорор үлэһиттэргэ тарҕанар диэн Госдумаҕа үөрэххэ уонна наукаҕа кэмитиэтин чилиэнэ Алена Аршинова эрдэтинэ быһаарбыта.
Кини бэлиэтииринэн, сокуоҥҥа саҥа уларыйыылар киирдэхтэринэ педагог идэтигэр ордук таһаарыылаах, көхтөөх устудьуоннары уһуйуоҕа, кинилэр эрдэ үөрэх кэмигэр быраактыкаҕа билиини баһылаан үлэҕэ туһаныахтарын сөбүн тоһоҕолоото.
Бу иннинэ РФ Үөрэх миниистирэ Сергей Кравцов иһитиннэрбитинэн, биэдэмистибэ үрдүкү куурус устудьуоннарыгар оскуолаҕа оҕолору үөрэтэргэ көҥүл биэрэри өйүүрүн бэлиэтээбитэ.
- 0
- 0
- 0
- 0
- 0
- 0