«Барбыт хампаанньалар миллиардынан ороскуоту сүктүлэр», — диэн Вячеслав Володин бэйэтин Telegram ханаалыгар суруйар.
«Биhиги тэрилтэлэрбит босхоломмут нишалары толороллор, кээмэйдэрин улаатыннараллар. Ол курдук, таңаhы оңорон таhаарыы 42 %, эмтэрии оңорон таhаарыы 15 % үрдээтэ», — диэн кини эбэн этэр.
Салгыы кини: «Биисинэс национальнай тускуллаах буолуохтаах, үлэлээн ылыллыбыт сириэстибэлэр дойдубутугар хаалан кини сайдарыгар тутуллуохтаахтар. Ааспыт 2022 сылга омук хампаанньаларыгар сир аннынааҕы баайы, ниэби уонна гааhы хостуурга лицензиялары биэриини бобор туhунан сокуон ылыллыбыта. Билигин Арассыыйа Федерацитыгар юридическэй сирэйи тэринии булгуччулаах буолан турар. Тырааныспар инфраструктуратын уонна тиэйии-таhыы үлэлэрин кытта сибээстээх концессияларга омук дойдулара кытталлара эмиэ бобуллубута», — диэн санатта.
«ОДьКХ эйгэтигэр офшорнай хампаанньалар концессионер буолалларын тохтотор сокуон барыла бастакы ааҕыыга ылылынна. Ол эрээри ѳссѳ элбэх оңоhуллара хаалла. Бу Судаарыстыбаннай Дума приоритета», — диэн Вячеслав Володин түмүктээтэ.
- 0
- 0
- 0
- 0
- 0
- 0