Госпиталь салалтатын кытта кѳрсүhүүгэ Александр Жирков бааhырбыт байыастары кѳрүү-истии усулуобуйаларын, кинилэри эмтээhин уонна реабилитациялааhын миэрэлэрин дьүүллэстэ, эмтэниини ааспыт байыастар ахсааннарын чуолкайдаста. Госпиталь салайааччытын э.т. Александр Б. Саха Сирин бэрэстэбиитэлигэр бааhырбыт байыаннай сулууспалаахтары эмтээhин уонна чѳллѳрүгэр түhэрии усулуобуйаларын тустарынан сиhилии кэпсээтэ, Саха Сирин салалтата уонна уопсастыбаннаhа кинилэри ѳйѳѳhүңңэ улахан болҕомтону уурарын бэлиэтээтэ.
Александр Николаевич Саха Сирин бары олохтоохторун ааттарыттан госпиталь быраастарыгар уонна кэлэктиибигэр бэйэни харыстаммат квалифицированнай үлэлэрин, байыастарга кыhамньыларын, бааhырбыттары кѳрѳр-истэр аймах дьоңңо усулуобуйалары тэрийэллэрин иhин истиң билинии уонна махтал тылларын эттэ.
Александр Жирков Дьокуускай к., Ѳлүѳхүмэ уонна Нерюнгри оройуоннарыттан сылдьар бааhырбыт байыастары кытта кѳрсүhүүтүн кэмигэр кинилэр дойдуларын олус ахтыбыттарын уонна ол да иhин бэлэхтэри, саха национальнай куухунньатын астарын ылан үѳрбүттэрин билиннилэр.
Александр Жирков биир дойдулаахтарын алҕаата, түргэнник үтүѳрэн дьиэлэригэр тѳннѳллѳрүгэр баҕарда.
-
2
-
0
-
0
-
0
-
0
-
0
