Антон Васильев УФУо ыччатын парламеннарын сүрүннүүрүн таһынан, Судаарыстыбаннай Дуума иһинэн тэриллибит Ыччат парламенын сэбиэтигэр киирдэ. Сэбиэт чилиэттэрэ дойду сокуону оҥоруута тупсарыгар туһуламмыт ыччат парламенын сүбэлэрин оҥоруохтара уонна этиилэрин бэлэмниэхтэрэ, Судаарыстыбаннай Дуума көрүүтүгэр сытар саҥа сокуон бырайыактарын ырытыахтара, сокуон аахталарын кэтээн көрүөхтэрэ, онтон да атын сокуону оҥоруу үлэлэригэр кыттыахтара.
«Уһук Илиҥҥи федеральнай уокурукка парламентаризм сайдарыгар ыччат көхтөөх кэпсэтиитэ, ырытыһыыта наада», - дии саныыр Антон Васильев.
«Кэпсэтии катализаторынан федеральнай таһымнаах бырайыактары уонна сокуоннары ырытыы буолуохтаах. Чуолаан эттэххэ, билигин «РФ субъектарыгар публичнай былааһы тэрийии уопсай бириинсиптэрэ» диэн федеральнай сокуон бастакы ааҕыыга сытар. Өскөтүн бу сокуону ылыннахтарына, элбэх федеральнай сокуоҥҥа уларыйыы киирэрэ күүтүллэр. Олортон биирдэстэринэн, «РФ олохтоох бэйэни салайыныыны тэрийии уопсай бириинсиптэрэ» диэн сокуон буолуо. Кэллиэгэлэрбин кытта Уһук Илиҥҥэ олохтоох бэйэни салайыныыны тэрийиигэ сыһыаннаах бэйэбит этиилэрбитин уонна көрүүлэрбитин бэлэмниэх тустаахпыт дии саныыбын. Биһиги уокурукпут нэһилиэнньэтин ахсаана төһө да аҕыйах буолбутун иһин, ыччат Уһук Илиҥҥи эрэгийиэни саамай хорсун идиэйэлэр уонна бырайыактар олоххо киирэр сирин быһыытынан көрөр. Онон биһиги бэйэбит интэриэспитин сөптөөх таһымнаахтык көмүскүөхтээхпит», – диэн Антон Васильев бэлиэтээтэ.
Саҥа талыллыбыт сүрүннээччи УФУо баар бары муниципальнай тэриллиилэригэр ыччат палаататын тэрийиигэ бырайыак оҥорон Судаарыстыбаннай Дуума көрүүтүгэр туруорсар санаалааҕын эппит.
-
1
-
0
-
0
-
0
-
0
-
0
