«Саҥа оскуола» федеральнай тосхол Саха Сиринээҕи сүбэтин бэрэссэдээтэлинэн анаммыт киһиэхэ, бу тэрээһиҥҥэ кыттыы улахан суолталаах буолла. Тосхол үлэтин ымпыгын-чымпыгын дириҥник өйдөөтүм, атын эрэгийиэннэр бэрэстэбиитэллэрин үтүө үөрүйэхтэрин билистим.
«Саҥа оскуола» тосхолго биир сүрүн хайысхатынан саҥа оскуолалары уонна уһуйааннары тутуу, ону таһынан үөрэх тэрилтэлэригэр хапытаалынай өрөмүөнү ыытыы буолар.
Бу биэс сылга дойду үрдүнэн бу тосхол чэрчитинэн 1714 саҥа оскуола ,1693 оҕо уһуйаана тутуллубут. Хапытаалынай өрөмүөн 6500-тэн тахса үөрэх тэрилтэтигэр ыытыллыбыт. Хас биирдии тутуу, өрөмүөн хаамыытын саҕаланыаҕыттан бүтүөр дылы, миэстэтигэр хонтуруолун «Биир ньыгыл Арассыыйа» баартыйа дьокутааттара, бырайыак актыбыыстара уонна төрөппүттэр бэрэстэбиитэллэрэ ыыппыттар.
Бу курдук, дойду бэрэсидьиэнэ Владимир Владимирович Путин оҕолорго уонна педагогтарга, үөрэнэргэ уонна үлэлииргэ табыгастаах усулуобуйаны тэрийэр туһунан сорудаҕа толору олоххо киирэр.
«Саҥа оскуола» тосхолго эбийиэктэр үгүс өттүлэрэ аҕыйах ахсааннаах нэһилиэнньэлээх пууннарга уонна тыа сиригэр тутуллаллар. Ол иһин эрэгийиэннэргэ, ол иһигэр Саха сиригэр, бу тосхол ураты суолталаах.
Биһиги өрөспүүбүлүкэбитигэр, биэс сыл иһигэр, «Биир ньыгыл Арассыыйа» бырайыагынан, 52 саҥа оскуола, 30 уһуйаан тутулунна, 100-тэн тахса эбийиэккэ хапытаалынай өрөмүөн ыытылынна, 40 тыһыынчаттан тахса оҕо үөрэхтэнэр усулуобуйата тубуста.
300 тыһыынчаттан тахса оҕо сынньалаҥ уонна чэбдигирдии бырагырааммаларынан хабылынна. Тыа оскуолаларыгар 355 сайдыы киинэ аһылынна, оскуола иннинээҕи саастаах оҕолорго эбии миэстэ көрүлүннэ. Маны таһынан, Өрөспүүбүлүкэ 253 оскуолата саҥа оптуобус күлүүһүн туттулар.
«Саҥа оскуола» тосхол бүгүҥҥү күҥҥэ, тыа сиригэр тыһыынчанан дьиэ кэргэҥҥэ оҕолорун киин сиртэн итэҕэһэ суох аныгы ирдэбиллэргэ толору эппиэттиир усулуобуйаҕа үөрэттэрэр кыах биэрэр. Бу курдук, аныгылыы, хаачыстыбалаах үөрэхтээһин тиһигин тэрийиигэ үлэ тохтообокко барар.
Инникитин даҕаны үөрэхтээһин эйгэтин салҕыы сайыннарарга, хас биирдии оҕоҕо ханна олороруттан тутулуга суох бэйэтин кыаҕын толору арыйарыгар усулуобуйаны тэрийэргэ үлэлиэхпит.
Хаартыскалар https://vk.com/wall-212341570_5099
-
1
-
0
-
0
-
0
-
0
-
0
