Дойду национальнай интэриэһин көмүскээн
Издательский дом Редакция Подписка
Погода в Якутске: . 1 oC

Бу күннэргэ РФ Бэрэсидьиэнэ Владимир Путин санкциялар усулуобуйаларыгар гражданнары уонна биисинэһи өйөөһүҥҥэ саҥа социальнай-экэнэмиичэскэй миэрэлэр тустарынан федеральнай сокуоҥҥа илии баттаата.

Бу күннэргэ РФ Бэрэсидьиэнэ Владимир Путин санкциялар усулуобуйаларыгар гражданнары уонна биисинэһи өйөөһүҥҥэ саҥа социальнай-экэнэмиичэскэй миэрэлэр тустарынан федеральнай сокуоҥҥа илии баттаата.

Бу туһунан дойду Бырабыыталыс­тыбата оҥорбут докумуона быраабы иһитиннэрэр официальнай порталыгар таҕыста.

Сокуон көҕүлээһинэ атын судаа­рыстыбалар уонна аан дойдутааҕы тэрилтэлэр күүһү-кыаҕы, экэниэмикэни мөлтөтөр дьайыыларыттан дойду национальнай интэриэһин көмүскүүргэ туһуланар. Докумуоҥ­ҥа сурулларынан, экэнэмиичэскэй хайысханы өйүүр мэхэньиисимэ чопчуланар, ол иһигэр РФ сокуоннарыгар олохтоммут көҥүлү уонна лицензияны ылыы бырасыастарын, быраап эрэсиимин иһинэн судаарыс­тыбаннай уонна муниципальнай наадыйыылары хааччыйыыга табаары, үлэни, өҥөнү атыылаһыыга чэпчэтии уратыларын чуолкайдыыр.

Санкции 1024x576

Биэнсийэ уонна социальнай эйгэ

РФ Бырабыыталыстыбата биэн­си­йэҕэ социальнай эбии төлөбүр кээ­мэйин сокуонунан бигэргэммит таһымын үрдэтэр бырааптанна.

Социальнай уонна страховой биэнсийэлэргэ быһыллыбыт тө­лөбүрдэр кээмэйдэрин эбии индек­сациялыыр кыахтанна. 2022 сылга үлэ төлөбүрүн уонна тиийинэн олоруу алын кээмэйдэрин олохтуур буо­луоҕа.

Гражданнар сорох категорияларыгар анаан социальнай көмөнү уонна өҥөнү, социальнай мэктиэлэри уонна төлөбүрдэри биэрии эйгэтигэр быраап бэрээдэгин уратыларын бигэргэтиэҕэ.

Кирэдьиит каникула

Гражданнарга, дьоҕус уонна орто биисинэскэ саҥа кирэдьиит каникулун туһанар быраап баар буолла, ол иһигэр ипотекаҕа эмиэ.

 Бу сыл кулун тутар 1 күнүгэр диэри кирэдьиит дуогабарын түһэрсибит иэс ылааччылар кулун тутар 1 күнүттэн балаҕан ыйын 30 күнүгэр диэри кирэдьиит биэрээччигэ сайабылыанньа суруйар кыахтаннылар.

Кирэдьиит каникула бэриллэр – кирэдьиит ылааччы дохуота 30-тан тахса бырыһыан түспүт уонна кирэдьиит кээмэйэ дойду Бырабыыталыстыбата анаабыт таһымыттан үрдээбэтэх буоллаҕына. Оччотугар иэс ылааччылар кирэ­дьиит төлөбүрүн сыл аҥаарыгар диэри болдьоҕун биитэр кээмэйин кыччатыахтарын сөп.

3 58

ОСАГО тарыыба

Арассыыйа баана массыына уонна кутталлаах эбийиэктэр хаһаа­йыннарыгар гражданскай эп­пиэтинэһи страховкалааһыҥҥа тарыыптарын сылга биирдэ көрөр бырааптанна.

Итинэн сибээстээн, баан кэнники болдьоҕун уларыйыыларыгар тутулуга суох тарыып чэпчэтиилэрин эбэтэр коэффициеннарын кээмэйдэрин ордук түргэнник хардарар уонна көннөрөр кыахтаныаҕа.

Усунуос уонна мораторий

Бырабыыталыстыба страховой усунуоһу төлүүр болдьоҕун уһатар уонна эмсэҕэлээбит салааларга төлөбүрдэрин эбии уһатар кыахтанар.

2022 сылга саҥа сокуон дьоҕус уонна орто биисинэс былааннаах бэрэбиэркэлэригэр мораторий киллэрэр, оттон IT эйгэтигэр 2024 сыл бүтүөр диэри туһаныахтара.

3d1377 031eff9e8bc8466c8b8ec6c7b49ce575

Судаарыстыбаннай атыылаһыы

Бырабыыталыстыбаҕа, эрэгийиэннэргэ уонна муниципалитеттарга хантараак усулуобуйатын (бирэдимиэтэ, сыаната, болдьоҕо, төлөбүрүн бэрээдэгэ) судаарыстыбаннай уонна муниципальнай наадыйыыларга табаары атыылаһыыга (госзакупки) уларытар бырааптаннылар.

Бырабыыталыстыба 2022 сылга соҕотох поставщиктартан атыылаһарга көҥүл биэрэри уонна хантараак туолбат түбэлтэтигэр ыстарааптары тохтотор буолуоҕа.

Сокуон электроннай көрүҥүнэн ордук наадалаах табаары, ону тэҥэ эмтэри, ороскуоттуур матырыйааллары уонна мэдиссиинэ тэриллэрин судургутук атыылаһарга быраабы биэрэр.

Социальнай страховкалааһын пуондата реабилитациялыыр тиэхиньикэни уонна өҥөнү туһанарга соҕотох поставщиктартан атыылаһыаҕын сөп. Ону таһынан соҕотох поставщиктан эми атыылаһыы кээмэйин мөлүйүөн­тэн 1,5 мөл. солк. тиийэ үрдэттэ.

Ити курдук дойду үрдүнэн оҥоһуллубат эмтэри, мэдиссиинэ тэриллэрин соҕотох поставщиктартан атыылаһар көҥүллэниэҕэ, ол эрээри Арассыыйаны утары санкциялары киллэрбит тас дойдулартан атын буолаллара ирдэнэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости