Оонньууну Сунтаардааҕы “Мин биисинэһим” киин сэбиэдиссэйэ А.А. Прокопьева, “Биисинэс киин” муниципальнай тэрилтэ дириэктэрэ М.В. Саввинова, М.С. Васильева уонна урбаанньыт Т.В. Петрова тэрийэн ыыттылар. Тэрээһиҥҥэ 8 хамаанда (32 кыттааччы) көхтөөхтүк кытынна.
Сонун оонньуу биир тыынынан барда. Күрэхтэһии түмүгүнэн “Тэтим” хамаанда кыайыыны ситистэ (ИП Семенов Н.В.) Кыайыылаахтар 10 000 солк суумалаах сүрүн бирииһи ыллылар. Атын хамаандалар туоһу суруктарынан наҕараадаланнылар.
Санатан эттэххэ, Сунтаар улууһун урбаанньыттара сотору-сотору субу курдук сэргэх аахсыйалары тэрийэн ыыталлар. Атын улуустар кинилэртэн холобур ылыахтарын сөп.
-
0
-
0
-
0
-
0
-
0
-
0
