"Саҥа дьылга арыгы иһиитэ - биһиги гражданнарбыт олохторун- дьаһахтарын, доруобуйаларын айгыратар."Урбаанньыттары босхо ыытар сатаммат - балаһыанньа уустугурда. Билигин гражданнар доруобуйаларын харыстааһыҥҥа чопчу үлэлиир мэхэньиисимнэр наадалар. Саҥа дьыллааҕы бырааһынньыктар кэмнэригэр арыгыны атыытын тохтотуохха наада. Ити дьоһун суолталаах быһаарыы буолуоҕа, тоҕо диэтэр, сорох гражданнар арыгы иһэр кээмэйин билбэттэр", — диир кини.
Арассыыйа олохтоохторо дьиэлэригэр олорон хаалбаттарын туһугар, парламентарий бары култуурунай-сынньалаҥ тэрээһиннэри, ол иһигэр киинэҕэ, тыйаатырга, түмэлгэ, спортивнай комплекстарга босхо сылдьалларын олохтуурга этии киллэрдэ.
"Оччотугар, биһиги дьону дьиэлэриттэн таьаарыахпыт уонна "бытыылкаттан" босхолуохпут", — диэн Хамзаев тоһоҕолоон бэлиэтээтэ.
Кини этэринэн, сыл бүтүөр диэри ити көҕүлээһини Култуура министиэристибэтигэр туруорсуоҕа.
Маны таһынан, ахсынньы 15 күнүгэр фракциялар ардыларынааҕы дьокутааттар оробуочай бөлөхтөрүн мунньаҕа ыытыллыаҕа, чуолаан, бырааһынньык кэмигэр арыгыны атыылааһынын бэрээдэктиир боппуруостарын көрүөхтэрэ. Мунньахха ИДьМ, борокуратуура, Росалкогольрегулирование, бырамыысыланнай атыы-эргиэн, үлэ уонна доруобуйа харыстабылын министиэристибэтин бэрэстэбиитэллэрин ыҥырыахтара.
-
0
-
0
-
0
-
0
-
0
-
0
