Издательский дом Редакция Подписка
Погода в Якутске: . -14 oC

РФ Бэрэсидьиэнэ В.В. Путин сорудаҕынан «Дьиэ кэргэн ипотеката» чэпчэтиилээх кирэдьиит бырагыраамата 2024 сылга диэри уһатылынна.

РФ Бэрэсидьиэнэ В.В. Путин сорудаҕынан «Дьиэ кэргэн ипотеката» чэпчэтиилээх кирэдьиит бырагыраамата 2024 сылга диэри уһатылынна.

6 %-гар диэри чэпчэтиилээх кирэдьиити дьиэ атыылаһарга эбэтэр чааһынай дьиэни туттарга 2023 сыл ахсынньы 31 күнүгэр диэри туһаныахха сөп. Бу туһунан уураахха дойду Бырабыыталыстыбатын бэрэссэдээтэлэ Михаил Мишустин илии баттаата. «Бу уларыйыылары хааччыйаарга Бырабыыталыстыба икки төгүл кэриҥэ кирэдьиит биэрэргэ үп-харчы лимиитин 1,7 трлн солк. диэри куоһарда», – диэтэ Михаил Мишустин. Кини этэринэн, дьиэ кэргэҥҥэ чэпчэтиилээх ипотеканан дьиэ атыылаһалларыгар, ону тэҥэ тутуу салаатын өйүүргэ, тутуу матырыйаалыттан уонна араас туһалаах бытархайдарга тиийэ наадалаах табаары уонна өҥөнү оҥорон таһаарыыны күүһүрдэргэ туһуланар.

pexels photo 590022

Санатар буоллахха, чэпчэтиилээх ипотека бырагыраамата 2018 сылтан үлэлээбитэ. Бырагырааманы дойду Бэрэсидьиэнин сорудаҕынан олоххо киллэрбиттэрэ. Бастаан бу бырагырааманан 2018 сыл тохсунньу ый 1 күнүнээҕи туругунан иккис эбэтэр кэнэҕэски оҕо төрөөтөҕүнэ эрэ туһаналлара. Бу сыл от ыйын 1 күнүттэн  бырагыраама усулуобуйата кэҥэтиллибитэ. Билигин маннык кирэдьиитинэн 2018 сыл тохсунньу ый 1 күнүттэн төрөөбүт биир оҕолоох ыаллар эмиэ туһаныахтарын сөп. Бастакы усунуос дьиэ сыанатын 15%-тан ааҕыллар. Кирэдьиит уопсай суумата эрэгийиэн тус бэйэтин усулуобуйатыттан эмиэ тутулуктаах. Ол курдук, Москва, Санкт-Петербург куораттарга, Москва уонна Ленинград уобаластарыгар 12 мөл. солк., атын сирдэргэ 6 мөл. солк. тэҥнэһэр. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением