Дьокуускайга олохтоох табаары оҥорооччулар бородууксуйаларын батарыыга 400 эргиэн туочуката үлэлиир. Олорго ас-үөл 1,5 тыһыынчаттан тахса көрүҥэ, үүт, чөчөгөй, суорат уонна арыы курдук үрүҥ ас үгэс буолбут көрүҥнэрин таһынан, сир аһыттан, эттэн уонна оҕуруот аһыттан астаммыт араас аһылык атыыланар.
Өрөспүүбүлүкэҕэ үүтү, эти, балыгы, сир аһын уонна оҕуруот аһын соҕотуопкалаан астыырынан 35 тэрилтэ идэтийэн дьарыктанар. Ол иһигэр, бастыҥ үлэлээҕинэн биллэр «Хаҥалас-Ас», «Амма», «Таатта», «Чурапчы», «Хоту» кэпэрэтииптэр, «Өлүөхүмэ» АУо о.д.а. бааллар. Кинилэр кэккэлэрин Ленскэй оройуонугар тэриллибит, промышленнай оройуоннары хааччыйыыга таһаарыылаахтык үлэлиир «Батамайдааҕы» АУо хаҥатта. Бу хаһаайыстыбалар бородууксуйаларын бэйэлэрин улуустарын иһигэр эрэ буолбакка, киин куоракка киллэрэн батараллар. Өскөтүн уонча сыл анараа өттүгэр куорат маҕаһыыннарыгар олохтоох аһы-үөлү киһи мээнэ булбат буоллаҕына, билигин хас маҕаһыын ахсын кэриэтэ «Саха сиригэр оҥоһулунна» диэн брендинэн анал павильоннар баар буоллулар.
Ааспыт 2021 сыл сайыныттан олохтоох табаары оҥорооччулары өйүүр сыалтан, киин куоракка «Аччыгый баһаар» бырайыак олоххо киллэриллэн, атыылаһааччылар сэҥээриилэрин ылла.
-
0
-
0
-
0
-
0
-
0
-
0
