Эпэрээссийэ сүрүн уустугунан, алҕас сыыһа барар түбэлтэтигэр, Дэвид төттөрү олоххо эргиллэн кэлиэ суохтаах эбит. Соҕотох түгэни быраастар мүччү туппатылар. Ыстатыйаҕа Беннет чопчу диагноһа ыйыллыбакка, көннөрү «ыарахан көрүҥүнэн» суруллубут.
Эпэрээссийэ сэттэ чаас устата барбыта биллэр. Бу донор-сибиинньэ эрдэ анаан генетическэй уларытыыны (модификация) барбыт. Кини геномуттан киһи доруобуйатыгар сөп түбэспэт, утарар үс генын туоратан, ыарыһах иммуннай систиэмэтэ иҥэрэр эттиктэрин эбэн биэрбиттэр.
The New York Times бэлиэтииринэн, билигин сүрэх ыарыһахтары быыһыыр донорскай саппаас аҕыйаҕын, маннык аныгы ньыма ситэрэн-толорон биэриэн сөп эбит.
Санатар буоллахха, былырыын баччаларга эмиэ АХШ Массачусетскай элбэх көрүҥнээх балыыһатыгар уокка тириилэрин саралаппыт дьоҥҥо сибиинньэ тириитин ситиһиилээхтик олордубуттара. Учуонайдар бэлиэтииллэринэн, киһи уонна сибиинньэ уорганнара бэйэ-бэйэлэригэр сүрдээҕин ханыылаһаллар эбит.
- 0
- 0
- 0
- 0
- 0
- 0