Издательский дом Редакция Подписка
Погода в Якутске: . 20 oC

Муус устар 24 күнүгэр Таатта улууһун баһылыга Айаал Бурцев Дьокуускайга олорор биир дойдулаахтарын кытары көрүстэ.

Муус устар 24 күнүгэр Таатта улууһун баһылыга Айаал Бурцев Дьокуускайга олорор биир дойдулаахтарын кытары көрүстэ.

Таатталар мустаннар дойдуларын инники сайдыытын ырыттылар, «Манчаары оонньуулара» успуорт национальнай көрүҥнэригэр спартакиаданы тэрийии тула сэһэргэстилэр, бииргэ үлэлэһэр суолу торумнаатылар.

Көрсүһүүгэ Улуус дьокутааттарын Сэбиэтин  бэрэссэдээтэлэ Петр Максимов, улуус успуорка кэмитиэтин салайааччыта Ньургун Сабарайкин, «Таатта түмсүү» салайааччыта Владимир Аржаков уонна дойдуларын туһугар «ыалдьар» Дьокуускайга олорор таатталар кытыыны ыллылар.

Баһылык Айаал Бурцев улууска туох үлэ ыытылларын, былааннанарын, социальнай эбийиэктэри тутуу хаамыытын, «Манчаары оонньууларыгар» бэлэмнэниини итиэннэ тирээн турар кыһалҕалары билиһиннэрдэ уонна: «Бииргэ түмсэн, сомоҕолоһон үлэлээммит Тааттабытын сайыннарыахха», - диэн ыҥырда. Салгыы Петр Максимов үлэни-хамнаһы чопчулаата уонна Ньургун Сабарайкин «Манчаары оонньууларыгар» бэлэмнэниини сиһилии иһитиннэрдэ.

WhatsApp_Image_2024-04-26_at_13.16.22.jpg

Көрсүһүү түмүгэр Дьокуускайга олорор таатталар дойдуларын сайдыытыгар туох кыах баарынан көмөлөһөбүт диэн эрэннэрдилэр. Чуолаан, 2025 сылга ыытыллыахтаах «Манчаары оонньууларын» тэрийиигэ көмө буолар сыаллаах Анал пуондаҕа биир күннээх хамнастарын угар санаалаахтарын биллэрдилэр. Ону кытта, нэһилиэктэргэ ырааһырдыы, саҥардыы үлэлэригэр кыттыһарга этии киллэрдилэр. Оттон урбаанньыт таатталар успуорт көрүҥнэринэн улуус федерацияларыгар киирэн, бииргэ үлэлэһэргэ бэлэмнэр. Көрсүһүү кыттыылаахтара Таатта улууһун устуоруйатын туһунан кинигэни көмөлөөн оҥорорго быһаардылар. Маны таһынан, Таатта түмсүү ыһыаҕын улуус дьаһалтатын уонна култуура салаатын көмөтүнэн,  бэс ыйын 23 күнүгэр Дьокуускайга ыытарга быһаарыстылар.

Биир дойдулаахтар аныгыскы көрсүһүүлэрин ыам ыйын бүтүүтэ ыытыахтара, онно бу күҥҥэ киирбит этиилэри чопчулуохтара уонна көдьүүстээх үлэ былаанын ылыныахтара.

Антонина НЕУСТРОЕВА

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением