Издательский дом Редакция Подписка
Погода в Якутске: . -11 oC

Амма улууһун биир бастыҥ үлэлээх хаһаайыстыбатынан Строд аатынан хаһаайыстыба буолар. Бу хаһаайыстыба “Илгэ” ХЭТ-тин Оһохтоох сайылыгар саҥа титиик тутуллан үлэҕэ киирдэ уонна өрөспүүбүлүкэ “Кормопроизводство” бырагырааматынан саҥа техника кэллэ.

Амма улууһун биир бастыҥ үлэлээх хаһаайыстыбатынан Строд аатынан хаһаайыстыба буолар. Бу хаһаайыстыба “Илгэ” ХЭТ-тин Оһохтоох сайылыгар саҥа титиик тутуллан үлэҕэ киирдэ уонна өрөспүүбүлүкэ “Кормопроизводство” бырагырааматынан саҥа техника кэллэ.



Абаҕа нэһилиэгэр баар Василий Тимофеев бэрэссэдээтэллээх Строд аатынан хаһаайыстыбатын “Илгэ” ХЭТ “Оһохтоох” сайылыгар үөрүүлээх, бэлиэ түгэн буолла. Ол курдук эргэ титииги сэргэ атын сиргэ саҥа титиик уонна саҥа дьиэлэр тутуллан кырдьаҕас сайылык саҥалыы сандаарда. Малааһын бары сиэрэ-туома ыытыллан, титииккэ аан бастакынан кырдьаҕас ынах киирэн, кэскили түстээтэ.

Хаһаайыстыба бэрэссэдээтэлэ Василий Тимофеев бэлиэтээбитинэн, бу сайылыкка аныгылыы немецкэй оборудование туран, бородууксуйа хаачыстыбата, үлэ-хамнас тэтимирэригэр төһүү күүс буолуо. Ыанньыксыттар аны хас да киилэлээх бөтүөннэри илиилэринэн таспакка, үүт турба устан кэлэн анал сойутар иһиккэ түһүөҕэ. Хаһаайыстыбаҕа билигин 250 ыанньык ынах баар эбит буоллаҕына, саҥа сайылык киирбитинэн эһиил өссө 100 төбөнөн элбэтэр былааннаахтар.
Саҥа сайылыгы сэргэ, аны битэмииннээх аһылыгынан хааччыйыыга күүскэ үлэлиэхтээх техника кэлбитин эмиэ үөрүүлээхтик бэлиэтээтилэр. Ол курдук бу хаһаайыстыбаҕа “Кормопроизводство” бырагырааматынан саҥа сиилэс оҥорор комбайн кэллэ. Манна кыттыгас үбүлээһини улуус, нэһилиэк дьаһалталара оҥордулар. Онон быйылгы үүнүүнү хомуйууга саҥа комбайын тахсан үлэлиэхтээх. Саҥа техника күлүүһүн бэрэссэдээтэл Василий Тимофеевка улуус баһылыга Николай Архипов үөрэ-көтө туттарда.

“Бу сиилэс комбайна улууспутугар 20-чэ сыл буолан баран саҥа кэллэ. Ол курдук бырагыраамаҕа киирсэн 6 мөлүйүөн солкуобай суумалаах комбайны өрөспүүбүлүкэ тыатын хаһаайыстыбата уонна улуус дьаһалтата 80 бырыһыанын, онтон 20 бырыһыанын хаһаайыстыба уонна нэһилиэк дьаһалтата үбүлээтилэр. Бу комбайн аны күһүн сиилэстээһиҥҥэ күүскэ үлэлиэхтээх”, – диэн этэр тыа хаһаайыстыбатын управлениетын салайааччыта Ион Кононов.

ыСтрод аатынан хаһаайыстыба быйыл Ил Дархан бирииһигэр ыытыллыбыт ат сүүрдүүтүгэр ситиһиилээхтик кыттыбыта. Улуус дьаһалтата салалтаны истиҥник эҕэрдэлээн туран 300000 солк. сертификат туттарда.

Бу курдук биир күн Абаҕа сиригэр-уотугар умнуллубат түгэннэр буоллулар. Тыа хаһаайыстыбатын үлэһит дьонун улуус баһылыга Николай Архипов, тыа хаһаайыстыбатын управлениетын салайааччыта Ион Кононов, Абаҕа нэһилиэгин баһылыга Макар Тимофеев, хаһаайыстыба салайааччылара кэлэннэр истиҥ эҕэрдэлэрин тириэртилэр, баҕа санааларын эттилэр.

“Амма олоҕо” хаһыат

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23